Charter Document - 05199328

Venerabili in Cristo patri R Dei gratia Coventr et Lich episcopo W Wygorniensis et E Sar eiusdem gratia universitatis prelatorum Anglie procuratores salutem in salutis autore Pro colligendis areragiis decimarum clericorum tam secularium quam religiosorum vestrarum civitatis et diocesis redemptorum votorum et omnium obventionum ex quacumque causa domino regi pretextu crucis vel regni Cicilie a sede apostolica concessarum quocumque nomine censeantur necnon et tricesime dudum inposite sub formis diversis sicut aliis huius regni prelatis scripsisse meminimus iam frequenter certa presignantes loca et tempora sicut communiter promissum fuerat quibus tandem solverentur si forte scilicet a debito quinque milium et quingentarum marcarum cum dampnis interesse et expensis que pretextu dilatorie solutionis dicti debiti mirabiliter excreverunt et agnoscere communiter oportebit possemus finaliter liberare verum quia mandata premissa suum hactenus non attigerunt effectum sed per suspiciosos quorundam amicos et ora maliloqua retardatur sicque tota cleri communitas maiora subire discrimina coarcatur de provisione communi facta nuper London in octabis apostolorum Petri et Pauli paternitati vestre in virtute obedientie et sub debito iuramenti universitatis prelatorum et cleri a vobis prestiti ac sub pena suspensionis firmiter iniungendo mandamus quatinus ad tollendum scrupulos animorum et detractiones sermonum officialem vestrum quem latere non debent summe collectarum et liberationum vestre diocesis ad Novum Templum London die sancti Kalixti martiris venire personaliter faciatis ut de singulis collectis huiusmodi et solutis compotum suum reddat et certum Omnia areragia que percipi debent vel poterunt secundum formam vobis alias demandatam secum deferat deputatis ex parte nostra clericis liberanda Ceterum quia liquet quod collecte premisse minus sufficiunt ut inde pro dicto debito satisfaciat vobis sub pena premissa de provisione predicta finaliter et statuto communi mandamus quatinus quadragesimam de singulis beneficiis vestre diocesis secundum taxationem iuratam colligi faciatis citra terminum predictum eamque deferri Lond integraliter in liberationem dicti debiti convertendam contradictores et rebelles si qui fuerint sine personarum delectu per suspensionem excommunicationem ac beneficiorum sequestrationem et alias sicut expedire videritis conpescendo Ad hec quia per provisionem in concilio nuper factam procuratores certe cum excusatione prelatorum mittuntur ad curiam et alii similiter sunt mittendi ad quorum expensas et salaria magnam oportebit habere peccuniam ad quam prelati soli tenentur a capitulo cathedralis ecclesie vestre necnon a singulis abbatiis et prioratibus vestre diocesis exigatis pro rata possessionum suarum ad expensas et salaria supradicta moderatam peccunie quantitatem videlicet de mille marcis vel ultra quinque marcas et infra sicut rata deposcit contradictores ut prius est tactum sententialiter conpellendo Nos duo scribimus quia venerabilis pater dominus Norwicensis episcopus com procurator noster in confectione presentium presens non fuit Dat ii idus Iulii anno gratie MCCLX primo