Charter Document - 05191012

Universis presentes litteras inspecturis vel audituris magistri Hugo de Mortuo Mari officialis Curie Cant Radulphus de Chadesdene thesaurarius Lich Henricus de Wyshawe officialis domini Coventr et Lich episcopi salutem in vero salutari Ad universitatem vestre notitiam volumus pervenire quod cum inter abbatem et conventum de Deulacr ordinis Cisterciensis petentes ex una parte et magistrum Adam de Stanford archidiaconum Cestr defendentem ex altera super ecclesia de Sandbach causa mota fuisset tandem partes simpliciter absolute et pure tam super causa quam super ecclesia et omni iure quod alterutri partium conpetiit vel conpetere potuit super dicta ecclesia ordinationi nostre et arbitrationi se submiserunt Unde partibus coram nobis constitutis dictus abbas pro se et pro conventu suo tam in animam suam pro se quam in animas omnium de conventu et dictus archidiaconus in animam suam inspectis et tactis sacrosanctis ewangeliis iuraverunt promittentes in virtute iuramenti et sub ypoteca omnium rerum suarum quas habunt et quas habebunt tam ecclesiasticas quam mundanas et quicquid ordinaremus super premissis et super securitate hinc inde prestanda illud absque dolo et fraude et omni machinatione inviolabiliter observabunt renuntiantes hinc inde omnibus instrumentis privilegiis et specialiter restitutioni in integrum et omnibus impetratis et impetrandis necnon et omni iuris beneficio canonici vel civilis et maxime omni beneficio et privilegio et statuto vel consuetudinibus que conpetant vel conpetere poterunt dictis abbati et conventui generaliter vel specialiter ratione ordinis Cisterciensis vel monasterii de Deulacr per qua ordinatio nostra in toto vel in aliqua parte sui inpediri vel infirmari possit seu infrangi Nos igitur postmodum auditis et intellectis quod partes proponere voluerunt coram nobis pro bono pacis et utilitatis utriusque partis ita inter ipsas provida deliberatione ordinamus et tanquam amicabiles compositores arbitramur cuius ordinationis tenor talis est [] Adicimus etiam et statuimus in ordinatione nostra quod dicti abbas et conventus conficiant predicto magistro Ada litteras ratihabitionis conventus in quibus exprimatur quod conventus memoratus de Deulacr habeat ratam ordinationem nostram in omni sui parte sigillo communi abbatis et conventus de Deulacr communi consensu ipsorum consignatas et quicquid tam circa premissa quam circa prestationem annuam quadraginta marcarum dicto magistro Ada singulis annis ut predictum est persolvendam ratum habebunt et firmum in suo perpetuo Adicimus etiam et precipimus in predicta ordinatione quod dictus archidiaconus a possessione non recedat quousque tam per litteras ratihabitionis conventus ut dictum est quam super securitate prefate prestationis ei de camera ipsorum faciende rationabiliter fuerit tantum et prescriptum et quousque procuraverit quod habeant litteras patentes domini Iohannis Mansel prepositi Deulac in quibus confiteatur de ratumhabere ordinationem nostram super premissis Si autem aliquo termino solutionem plenarie dicti abbas et conventus non fecerint liceat diocesano loci compellere eos per sequestrationem et distractionem fructuum et proventuum dicte ecclesie et aliorum bonorum ipsorum ubicumque inventa fuerint in episcopatu Coventr et Lich sine omni strepitu iudiciali usque ad plenam solutionem unacum expensis omnibus dampnis et interesse que sustinuerit occasione prestationis predicte suis terminis vel termino non solute etiam si dicti abbas et conventus dictam ecclesiam de Sandbach amittant per potentiam alicuius vel alio quocumque modo a possessione predicte ecclesie cadant dum tamen per dolum et fraudem dicti magistri Ade hoc non fuerit procuratum Et si a quacumque curia Romana scilicet vel alia alieque littere fuerint impetrate per alterutram partium per quas hec ordinatio nostra in toto vel in parte possit impediri irrite sint et vacue et viribus careant et pars que contra dictam ordinationem venerit teneatur parti illam volenti observare nichilominus ad expensa et omnia dampna sua et interesse beneficio in integrum restitutionis speciali ratione monasterii seu generali ratione totius ordinis Cisterciensis inpetrate seu etiam inpetrande non obstante Cum autem dictus magister Adam plenam habuit securitatem prestationis predicte sibi singulis annis faciende et litteras ratihabitionis ordinationis nostre ut superius est expressum dicti abbas et conventus per loci diocesanum inducentur in corporalem possessionem dicte ecclesie de Sandbach salvis episcopalibus et archidiaconalibus consuetudinibus in predicta ecclesia et parochia de Sandbach et Lich et Coventr ecclesiarum dignitate Retinuimus etiam nobis de consensu utriusque partis cohercendi partes ad observationem supradicte ordinationis et ad emendandum et corrigendum et ad maiorem securitatem providendum usque ad annum integrum plenariam potestatem Ut autem omnia supradicta robur perpetue firmitatis optineant nos magistri Hugo de Mortuo mari officialis Curie Cant Radulphus thesaurarius Lich et Henricus de Wyshawe officialis domini Coventr et Lich episcopi presenti pagine sigilla nostra duximus apponenda Dat Lond anno Domini MCC quinquagesimo quinto die conversionis beati Pauli apostoli