Charter Document - 05151050
| Charter Number: | 05151050 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1234 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Gregorius Episcopus seruus seruorum dei venerabili fratri [] Episcopo et dilectis filiis Decano et Thesaurario Glasguensibus Salutem et apostolicam benediccionem venerabili fratre nostro Dumblanensi episcopo accepimus intimante quod cum inter bone memorie A predecessorem suum ex parte vna et Abbatem et conuentum de lundors Sancti Andree dioecesis ex altera super ecclesia de Mothel coram [] priore Sancti Andree suisque Collegis auctoritate apostolica questio uerteretur Demum hinc inde fuit iuramento prestito in uenerabilem fratrem nostrum Episcopum Sancti Andree tanquam in arbitrum compromissum qui equitate postposita iniquum arbitrium promulgauit in enormes ecclesie dumblanensis lesiones Quare idem episcopus ecclesie predicte subueniri per beneficium restitucionis in integrum postulauit Ideoque discrecioni vestre per apostolica scripta mandamus quatinus si per arbitrium ipsum inueneritis Dumblanensem ecclesiam enormiter esse lesam ad restitucionem ipsius sicut iustum fuerit procedatis facientes quod super hoc statueritis per censuram ecclesiasticam firmiter obseruari Testes autem qui fuerint nominati si se gracia odio uel timore subtraxerint censura simili appellacione cessante cogatis ueritati testimonium perhibere Quod si non omnes hiis exequendis potueritis interesse Tu frater Episcope cum eorum altero ea nihilominus exequaris Datum Perusij iij Non Nouembr pontificatus nostri anno Octauo
Source (click image below to view full size)
