Charter Document - 05120009

[E]dwardus Dei gratia Rex Angliae Dominus Hiberniae at Dux Aquitanniae archiepiscopis episcopis abbatibus prioribus comitibus baronibus justitiariis vicecomitibus praepositis ministris et omnibus ballivis et fidelibus suis salutem Inspeximus cartam celebris memoriae Domini Edwardi nuper Regis Angliae patris nostri in haec verba [] Nos autem concessiones confirmationes et restitutionem praedictas ratas habentes et gratas eas pro nobis et heredibus nostris quantum in nobis est praefatis Burgensibus et eorum heredibus ac successoribus Burgensibus ejusdem villae concedimus st confirmamus sicut cartae praedictae plenius testantur Praeterea cum dicta villa Notingham una cum libertatibus ejusdem in instanti itinere dilectorum et fidelium nostrorum Willelmi de Herle et sociorum suorum Justitiariorum nostrorum Itinerantium in Comitatu Notingham quibusdam certis de causis per considerationem ejusdem Curiae capta sit in manum nostram nos volentes eisdem Majori et Burgensibus gratiam in hac parte facere specialem restituimus eis villam praedictam cum omnibus libertatibus praedictis habendam et tenendam sibi heredibus et successoribus suis Burgensibus ejusdem villae imperpetuum adeo plene et integre sicut eam per cartas praedictas tenuerunt et tenere debuerunt ante captionem supradictam Insuper cum in carta praedicti Henrici Regis proavi nostri contineatur quod praedicti Burgenses et eorum heredes imperpetuum haberent returnum brevium ipsius proavi nostri et heredum suorum de summonitione Scaccarii sui de omnibus ad dictum burgum Notingham spectantibus et quod nullus vice comes aut alius ballivus ipsius proavi nostri vel heredum suorum quicumque dictum burgum ingrederentur ad summonitiones attachiamenta seu districtiones aut alia officia ibidem facienda nisi in defectum Ballivorum ejusdem villae et praedicti Burgenses et antecessores sui eo praetextu hucusque habuerunt returna omnium brevium progenitorum nostrorum et nostrorum tam de summonitionibus Scaccarii quam aliorum brevium quorumcumque eundum burgum qualitercumque tangentium Nos securitati eorumdem Burgensium ne super hoc inquietari possint infuturum providere volentes concessimus eis et hac carta nostra confirmavimus quod ipsi et eorum heredos et successores praedicti imperpetuum habeant returna omnium brevium nostrorum et heredum nostrorum tam de summonitionibus Scaccarii quam aliorum brevium quorumcumque praedictum burgum qualitercumque tangentium ita quod nullus vicecomes ballivus seu alius minister noster vel heredum nostrorum burgum illum ingrediatur ad summonitiones attachiamenta seu districtiones vel aliqua alia officia infra eundem burgum exercenda vel facienda nisi in defectum Ballivorum villae supradictae sicut praedictum est Ad haec cum per quandam inquisitionem per praefatum Willelmum et dilectum et fidelem nostrum Nicholaum Fastolft de mandato nostro factam et in Cancellaria[m] nostra[m] retornatam compertum sit quod praedicti Burgenses a tempore quo non extat memoria usque ad tempus confectionis dictae cartae praedicti Johannis Regis progenitoris nostri eisdem Burgensibis factae et etiam postmodum gaola in dicta villa Notingham habuerunt pro custodia eorum qui in eadem villa capti fuerunt seu attachiati et quod gaola illa fuit in custodia eorum qui custodiam villae praedictae habuerunt tanquam ad eandem villam pertinens tam dum villa illa fuit in manibus progenitorum nostrorum praedictorum quam in manibus Burgensium villae supradictae Nos pro pleniori securitate ipsorum volentes eis gratiam in hac parte facere specialem concessimus eis et hac carta nostra confirmavimus quod iidem Burgenses heredes et successores sui praedicti imperpetuum habeant gaolam praedictam in villa praedicta pro custodia illorum qui in eadem villa ex quacumque causa capi seu attachiari contigeri[n]t Insuper cum praefati Burgenses praetextu dictorum verborum in praedictis chartis contentorum quod homines de Notinghamshire et de Derbishire venire debent ad praedictum burgum de Notingham die Veneris at Sabbati cum quadrigis et summagiis suis habuerint in eodem burgo unum mercatum singulis septimanis per diem Sabbati sicut dicunt Nos ne praedicti Burgenses super dicto mercato suo occasionentur infuturum volentes eorum securitati prospicere gratiose concessimus eis et hac carta nostra confirmavimus quod ipsi et heredes ac successores sui praedicti imperpetuum habeant et teneant mercatum praedictum singulis septimanis per diem Sabbati cum omnibus libertatibus at liberis consuetudinibus ad hujusmodi mercatum pertinentibus nolentes quod ipsi vel eorum heredes vel successores occasione mercati illius pro tempore praeterito vel futuro per nos vel heredes nostros seu ministros nostros quoscumque occasionentur molestentur in aliquo seu graventur Concessimus etiam eisdem Burgensibus et hac carta nostra confirmavimus quod ipsi heredes et successores sui de pontagio per totum regnum et potestatem nostram imperpetuum sint quieti Quare volumus et firmiter praecipimus pro nobis et heredibus nostris quod iidem Burgenses et eorum heredes ac successores imperpetuum habeant at teneant praedictam villam cum omnibus libertatibus praedictis et etiam imperpetuum habeant returna omnium brevium nostrorum et heredum nostrorum tam de summonitionibus Scaccarii quam aliorum brevium quorumcumque et etiam gaolam in eadem villa et mercatum per dictum diem Sabbati cum omnibus libertatibus et liberis consuetudinibus ad hujusmodi mercatum pertinentibus quodque quieti sint de hujusmodi pontagio per totum regnum et potestatem nostram sicut praedictum est Hiis testibus venerabilibus patribus Henrico Episcopo Lincolniensi Cancellario nostro Johanna Wyntoniensi et Rogero Coventrensi et Lichefeldensi Episcopis Johanna de Eltham Comite Cornubiae fratre nostro carissimo Rogero de Mortuo Mari Comite Marchiae Willelmo de Monte Acuto Johanna Mautravers Senescallo Hospitii nostri et aliis Datum per manum nostram apud Wodestok primo die Maii anno regni nostri quarto