Charter Document - 05120008

[E]dwardus Dei gratia Rex Anglie Dominus Hibernie at Dux Aquitannie archiepiscopis episcopis abbatibus prioribus comitibus baronibus justitiariis vicecomitibus prepositis ministris et omnibus ballivis et fidelibus suis salutem Inspeximus cartam confirmationis quam Dominus Henricus quondam Rex Anglie avus noster fecit Burgensibus de Notingham in hec verba [] Inspeximus etiam quandam aliam cartam quam idem avus noster fecit eisdem Burgensibus in hec verba [] Inspeximus insuper cartam quam celebris memorie Dominus Edwardus quondam Rex Anglie pater noster fecit eisdem Burgensibus in hec verba [] Nos autem concessiones confirmationes et restitutionem predictas ratas habentes et gratas eas pro nobis et heredibus nostris quantum in nobis est prefatis Burgensibus et eorum heredibus ac successoribus Burgensibus ejusdem ville concedimus et confirmamus sicui carte predicte rationabiliter testantur Et insuper concessimus eis pro nobis et heredibus nostris quod licet ipsi vel eorum antecessores Burgenses ejusdem ville aliqua vel aliquibus libertatum predictarum hactenus usi non fuerint ipsi tamen et heredes ac successores sui libertatibus illis et earum qualibet sine occasione vel impedimento nostri vel heredum nostrorum justitiariorum escetorum vicecomitum aut aliorum ballivorum seu ministrorum nostrorum quorumcunque decetero plene gaudeant et utantur Preterea volentes eisdem Burgensibus gratiam facere ampliorem concessimus eis pro nobis et heredibus nostris ad meliorationem predicte ville nostre Notingham et commoditatem Burgensium nostrorum ejusdem ville ut eo tranquillius negotiationibus suis intendere possint quod nullus eorum placitet aut implacitetur coram nobis vel heredibus nostris aut aliquibus justitiariis nostris vel heredum nostrorum extra burgum predictum de terris aut tenementis que sunt in burgo predicto seu de transgressionibus aut contractibus vel aliis quibuscumque in eodem burgo factis vel emergentibus set omnia hujusmodi placita que coram nobis vel heredibus nostris aut aliquibus justitiariis nostris de Banco vel aliis sum moneri contigerit vel attachiari extra burgum predictum placitandi coram Majore et Ballivis burgi predicti qui pro tempore fuerint infra burgum predictum placitentur et terminentur nisi placita illa tangant nos vel heredes nostros seu Communitatem burgi predicti Et quod non ponantur cum hominibus forinsecis in assisis juratis aut inquisitionibus aliquibus que ratione tenementi vel transgressionum aut aliorum negotiorum forinsecorum quorumcumque coram justitiariis aut aliis ministris nostris vel heredum nostrorum emerserint faciende Nec quod homines forinseci ponantur cum ipsis Burgensibus in assisis juratis aut inquisitionibus aliquibus que ratione terre vel tenementi in eodem burgo existentium aut transgressionum contractuum seu aliorum negotiorum intrinsecorum in eodem burgo emerserint capiende set assise ille jurate et inquisitiones de hiis que in dicto burgo fuerint emergentes per Burgenses ejusdem villas et in eodem burgo solummodo fiant nisi res ipse tangant nos vel heredes nostros seu Communitatem ejusdem burgi Et insuper cum Burgenses illi per cartas predictas habeant returne brevium nostrorum at sum monitionum de Scaccario nostro de omnibus dictum burgum contingentibus et quidam ministri nostri et progenitorum nostrorum predictorum nichilominus burgum predictum hactenus pluries sint ingressi ad districtiones et attachiamenta ibidem facienda que per Ballivos ejusdem ville fieri deberent concessimus eis pro nobis et heredibus nostris quod nullus vicecomes ballivus aut alii ministri nostri vel heredum nostrorum quicumque dictum burgum ingrediantur ad sum monitiones attachiamenta seu districtiones aut alia officia ibidem facienda nisi in defectum Ballivorum ejusdem ville qui pro tempore erunt Concedimus etiam eisdem Burgensibus pro nobis at heredibus nostris quod ipsi et eorum heredes ac successores predicti de muragio pavagio stallagio terragio kalagio lastagio et passagio per totum regnum nostrum et totam potestatem nostram imperpetuum sint quieti Hiis testibus venerabilibus patribus Waltero Archiepiscopo Cantuariensi totius Anglie Primate et Waltero Coventrensi et Lych[feldensi] Episcopo Adomaro de Valentia Comite Pembrochie Humfrido de Bohun Comite Herefordie et Essexie Hugone le Despencer Willelmo le Latymer Theobaldo de Verdon Johanna de Crumbwell Edmundo de Mala Lacu Senescallo Hospitii nostri et aliis Datum per manum nostram apud Westmonasterium sexto decimo die Martii anno regni nostri septimo