Charter Document - 05101061
| Charter Number: | 05101061 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | French |
| Charter Origin: | Royal |
| Charter Type(s): | Decree |
| Date: | 1363 |
| Date type: | Assigned |
| Resource Link(s): |
Reference Document for this Embedded Document |
Charter:
Seigneurs messire li Dux qui cy est a en ceste église fait voir diligemment par son conseil vos chartres franchises et libertez et en vuellant ensuigre les bons faiz de ses devanciers dux de Bourgoingne il jure cy devant Dieu et aux saint évangilles de Dieu que il tiendra et gardera fermement et fera tenir et garder par ses officiers les privileges libertez immunitez franchises et confirmations d'icelles données de messeigneurs les dux de Bourgoingne aux Maieur eschevins et commune de Dijon si comme elles sunt escriptes es lettres desdits privileges et icelles louhe et confirme et en donra ses lettres Et parmy ce vous Maire et eschevis et procureur de ladite commune jurerez cy semblaublement a Monseigneur garder et faire garder et randre de vostre povoir par vous et vos subjets toutes ses droitures que il a et doit avoir en la ville et banlehue de Dijon solon la teneur de vos dits privileges et rendre vraye et deheue obeissance a Monseigneur et lui en donrez vos lettres soubs le seel de ladite commune