Charter Document - 05049049
| Charter Number: | 05049049 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1326 |
| Date type: | Internal, A.D. |
| Resource Link(s): |
Reference Document for this Embedded Document Cartulaires d'Île-de-France |
Charter:
Universis presentes litteras inspecturis Stephanus de Villaribus cantor Montisbrisonis domini regis Francie et Navarre clericus commissarius in balliviis Silvanecti et Gysorcii et earum ressortis super financiis nobilium feodorum et acquestuum ecclesiarum ab eodem domino rege deputatus salutem in Domino Noveritis quod frater Johannes de Nubourc procurator religiosorum virorum abbatis et conventus de Valle Sarnayo nomine dictorum religiosorum finivit vocato mecum locum tenente in hac parte ballivii Gysorcii de rebus et possessionibus per dictos religiosos acquisitis a tringinta annis citra titulo videlicet gratuito de fructibus duorum annorum et titulo non gratuito de fructibus trium annorum pro undecim libris tresdecim solidis octo denariis parisiensibus solutis Gauffrido Heront receptori pro Thoma Heront ejus patre vicecomite Gysorcii ad recipiendum dictas financias in vicecomitatu Gysorcii deputato de hiis que sequntur videlicet de decem solidis parisiensibus acquisitis supra domum Johannis l'Ulier item de tribus quarteriis vigne ex dono acquisitis in valore annui redditus quadraginta solidorum parisiensium item de viginti et octo denariis parisiensibus ex dono Ricardi Mugoe super hereditatem suam item de duabus peciis vigne ex dono Ricardi Mugoe acquisitis in valore annui redditus onere deducto duorum solidorum parisiensium item de quodam quarterio vignee ex dono acquisito in valore annui redditus decem solidorum parisiensium item de dimidio quarterio vigne ex dono acquisito in valore annui redditus onere deducto duodecim denariorum parisiensium item de duabus acris et sexaginta particis terre acquisitis in valore annui redditus viginti quatuor solidorum parisiensium item de tribus vergiis terre acquisitis a Guillelmo dou Buef in valore annui redditus duorum solidorum parisiensium item de quinque solidis parisiensibus annui redditus quos emerunt a Cainto de Genevroy et ejus fratre super quandam peciam terre a Hebecourt Per quam quidem financiam concessi auctoritate regia predictis religiosis eorumque successoribus quod predicta im perpetuum teneant et habeant sine coactione vendendi vel extra manum suam ponendi seu aliam financiam faciendi domini regis voluntate in predictis retenta ac ipsius jure salvo et quolibet alieno In cujus rei testimonium sigillum meum duxi litteris presentibus apponendum Datum apud Esterpigniacum veneris XXIIII die mensis octobris anno Domini millesimo trecentesimo vicesimo sexto