Charter Document - 04970007
| Charter Number: | 04970007 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1237 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Almaricus comes Montisfortis Francie constabularius notum facimus quod nos assensu et voluntate Beatricis uxoris nostre pro animabus antecessorum et successorum nostrorum dedimus et concessimus in puram et perpetuam elemosinam abbati et conventui de Roscha ordinis Sancti Victoris Parisiensis centum et sexaginta arpenta tam terre arabilis quam pratorum in loco qui vocatur Marescheria ibi in perpetuum pacifice possidendum concessimus eciam eisdem in plana et communi foresta nostra nemus vivum ad edificandum et nemus mortuum ad ardendum extra defensa et animalium suorum pascua in dicta communi et plana foresta extra defensa Ipsi autem in ecclesia de Roscha genitoris et genetricis nostre nostri et uxoris nostre et Guidonis Bigorensis comitis fratris nostri imperpetuum anniversaria facere tenebuntur De dictis autem centum et sexaginta arpentis retinere poterunt ad nemus decem arpenta circa domum suam Ut autem in perpetuum elemosina et donatio ista robur firmitatis obtineat presentes litteras sigillo nostro fecimus confirmari Datum anno Domini MCCXXX sexto mense marcio