Charter Document - 04838071

Ph dei gratia Francorum Rex carissime amtri et domine nostre M dei gratia Regine Francie uel eius locum tenenti salutem Ex conquestione prioris de Espernone nuper accepimus quod cum ipse prior pro se prioratu suo et subditis ejusdem ad sedem et curiam castri vestri de Nogento et non alibi ressortiri et per justiciarios dicte sedis et non alios gardiari consueverit et in hujus possessione sit et fuerit ab antico Vos que quamdiu dictum castrum tenuistis fueritis et antea nos et predecessores nostri fuerimus in possessione exercendi ressortum et gardam hujus per dictos justiciarios et non alios prout dicit nichilominus dilecte et fideles mee Duccissa Britanie Comitissa Montisfortis et Comitissa de Alba merula dictos priorem prioratum et subditos ejusdem in casibus ressorti et gardie ad sedem et curiam vestram de Medonta in ipsorum prejudicium et gravamen nituntur trahere vos que ipsos ad hoc nitimini cohercere pretextu quarumdam litterarum quibus comitatum Montisfortis cum ejus pertinentiis infra quas dicti prioratus ejus subditi fore noscuntur in et sub ressorto de Medonta dicimus posuisse cumque deliberato super hoc consilio duximus ordinandum quod dictus prior cum suo prioratu et subditis ejusdem ad locum et sedem quibus ab antiquo in ressorto et gardie casibus justiciari consueuerint quo ad huius ressortum et gardiam in statu pristino remittantur Vobis id circo mandamus quatenus si dictus prior pro se suo prioratu et ejus subditis fecerit vobis fidem quod ipsi ad sedem et curiam de Nogento ressortiri et per eam gardiari consueverint sicut predicitur quod ad hoc ipsos ad ipsam sedem et curiam plenarie remittatis in et sub ipsius hujus ressorto et gardia remensuros Nec eos deinceps super hiis ad dictam curiam vestram de Medonta aut alibi extracuriam de Nogento quomodo libet evocetis ut trahi permitatis non obstantibus predictis litteris aut aliis quibuslibet incontrarium impetratis Datum Parisiis die IIIJ septembris anno domini MCCC tresdecimo