Charter Document - 04800123
| Charter Number: | 04800123 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1195 |
| Date type: | Internal, A.D., Calendar |
| Resource Link(s): |
Embedded Document |
Charter:
Michael Dei gratia Senonensis archiepiscopus et Manasses ejus ecclesie archidiaconus omnibus ad quos littere presentes pervenerint in Domino salutem Notum fieri volumus quod cum controversia inter dilectos filios Capitulum Carnotense et Adeliciam nobilem comitissam Blesensem verteretur super libertatibus consuetudinibus Carnotensis ecclesie de servientibus recipiendis et tuendis et super quibusdam eorumdem canonicorum servientibus ad eorum servicium domesticum juxta easdem consuetudines sub ecclesie tuitione receptis et super compromissione a partibus facta in excellentem dominam nostram Adelam Francorum Reginam et venerabilem patrem Willelmum Remensem archiepiscopum ad nos emanavit mandatum apostolicum sub hac forma [] Nos igitur juxta tenorem rescripti apostolici partes ad nostram presentiam convocavimus auditisque allegationibus et attestationibus hinc inde productis et diligenter discussis tandem prudentum virorum et juris peritorum freti consilio negocium ipsum ad sententiam diffinitivam in hunc modum produximus Siquidem compromissum factum in dominam Reginam et dominum Remensem et arbitrium ab eisdem prolatum prorsus irritum duximus et cassum tum quia in arbitrio nulla fuerat pena constituta tum quia nobis liquido constitit arbitrium contra formam compromissi fuisse promulgatum Libertates et consuetudines de legitimorum virorum testimonio comprobatas et infra subnotatas adjudicavimus ecclesie Carnotensi decernentes ut canonicis ejusdem ecclesie libere liceat burgenses Carnotenses qui ad eorum domesticum servicium transierunt preter servos principis Carnotensis recipere et tueri eadem libertate et immunitate cum ipsis canonicis gaudentes una cum rebus et familiis suis relicta tamen omni negociatione et usura hoc excepto quod in tempore messis annonam et tempore vindemiarum vinum pro voluntate sua emere possunt et vendere sicut et canonici et de velleribus ovium suarum pannos facere et eos sine consuetudine laicali vendere ad quorum perfectionem si quid defuerit et aliunde fuerit comparatum eis sine solutione telonei id facere licebit De omnibus nutrituris suis et earum proventibus facere possunt sub eadem libertate Si quis autem huic nostre diffinitioni auctoritate apostolica promulgate contraire presumpserit indignationem omnipotentis Dei et nostram incurrat Actum Senonis publice anno ab incarnatione Domini MC nonagesimo quarto pridie kalendas martii
Markups
Names Markup:
Michael Dei gratia Senonensis archiepiscopus et Manasses ejus ecclesie archidiaconus omnibus ad quos littere presentes pervenerint in Domino salutem Notum fieri volumus quod cum controversia inter dilectos filios Capitulum Carnotense et Adeliciam nobilem comitissam Blesensem verteretur super libertatibus consuetudinibus Carnotensis ecclesie de servientibus recipiendis et tuendis et super quibusdam eorumdem canonicorum servientibus ad eorum servicium domesticum juxta easdem consuetudines sub ecclesie tuitione receptis et super compromissione a partibus facta in excellentem dominam nostram Adelam Francorum Reginam et venerabilem patrem Willelmum Remensem archiepiscopum ad nos emanavit mandatum apostolicum sub hac forma []embed Nos igitur juxta tenorem rescripti apostolici partes ad nostram presentiam convocavimus auditisque allegationibus et attestationibus hinc inde productis et diligenter discussis tandem prudentum virorum et juris peritorum freti consilio negocium ipsum ad sententiam diffinitivam in hunc modum produximus Siquidem compromissum factum in dominam Reginam et dominum Remensem et arbitrium ab eisdem prolatum prorsus irritum duximus et cassum tum quia in arbitrio nulla fuerat pena constituta tum quia nobis liquido constitit arbitrium contra formam compromissi fuisse promulgatum Libertates et consuetudines de legitimorum virorum testimonio comprobatas et infra subnotatas adjudicavimus ecclesie Carnotensi decernentes ut canonicis ejusdem ecclesie libere liceat burgenses Carnotenses qui ad eorum domesticum servicium transierunt preter servos principis Carnotensis recipere et tueri eadem libertate et immunitate cum ipsis canonicis gaudentes una cum rebus et familiis suis relicta tamen omni negociatione et usura hoc excepto quod in tempore messis annonam et tempore vindemiarum vinum pro voluntate sua emere possunt et vendere sicut et canonici et de velleribus ovium suarum pannos facere et eos sine consuetudine laicali vendere ad quorum perfectionem si quid defuerit et aliunde fuerit comparatum eis sine solutione telonei id facere licebit De omnibus nutrituris suis et earum proventibus facere possunt sub eadem libertate Si quis autem huic nostre diffinitioni auctoritate apostolica promulgate contraire presumpserit indignationem omnipotentis Dei et nostram incurrat Actum Senonis publice anno ab incarnatione Domini MC nonagesimo quarto pridie kalendas martii