Charter Document - 04270074

Nos Ortorfus dei gratia abbas monasterii Medlicensis ordinis sancti Benedicti Swikerus decanus in Lastorf Ch a plebanus in Huren Hermannus plebanus in Willhalmsburch Bertholdus vicarius in Zwentendorf literas discretorum virorum H venerabilis prepositi Sancti Ypoliti et Rudolfi plebani in Cappella nobis exhibitas recepimus in hec verba [] Nos igitur secundum datam nobis a deo discrecionem consideratis negociorum meritis et circumstanciis universis in nomine patris et filii et spiritus sancti sub penis premissis tale inter eos arbitrium promulgamus Plebanus de Cappella recognoscens preposito et ecclesie sancti Ypoliti ius suum in kathedratici de quo questio erat solvet ipsi preposito et ecclesie sancti Ypoliti nomine eiusdem cathedratici iiii libras integraliter isto anno de cetero autem solvet lx denarios annuatim salvo in posterum iure ecclesie sancti Ypoliti de quatuor libris sibi dandis a plebani quolibet successore sicut privilegium per dominum Wolfkerum Pataviensem episcopum super hoc concessum continet manifeste Item de curia decimali in Capella arbitramur quod plebanus R ad dies suos illam teneat et proventus ipsius una cum decimis de cultura eiusdem curie provenientibus percipiat edificacionem vero eiusdem curie suo arbitrio relinquimus taliter promovendam prout saluti sue et honori sciverit expedire Item quinque domos decimales ii scilicet in Odelbach i in Oekestorf i in Purmansdorf i in Hafnarn de quibus plebanus contendebat arbitramur ab ipso plebano esse penitus absolutas ut nulla sibi accio de iure vel de facto de cetero conpetat pro eadem Item volumus ut decimales denarii a plebano de Cappella quoad dies ipsius R plebani a preposito Sancti Ypoliti non petantur ita tamen quod ecclesie sancti Ypoliti apud plebani successorem nullum ex hoc in posterum preiudicium generetur Item de xiii libris quas plebanus de Cappella dicit se mutuasse preposito Marquardo dicimus ut cum super hoc probaciones non appareant prepositus sibi iiii libras solvat Item de area plebani in arena dicimus quod ea que retenta sunt plebano remittantur de cetero vero ipse plebanus de eadem area suo tempore solvat servitium debitum et consuetum alias salvis penis superius expressis cadet a iure suo in area memorata Item super duabus illis areis iuxta parochialem ecclesiam prepositum et ecclesiam sancti Ypoliti ab inpeticione plebani de Cappella absolvimus plebano super hiis silencium inponentes Item fructus perceptos et servicium retentum de agro in Wezendorf plebano relaxamus si vero ipse plebanus agrum eundem amplius habere voluerit solvat de ipso suo tempore servitium debitum et statutum quod si infra xiiii dies non fecerit salvis penis superius expressis cadat a iure suo nec de cetero sibi de iure vel de facto actio conpetat pro eadem Super aliis articulis quos arbitrio dignos non iudi cavimus utpote quosdam motus iracundie continentes partibus perpetuum silencium inponimus sub penis superius memoratis Ne igitur de processu huius arbitrii aliquid possit in posterum in irritum revocari nos Or abbas ecclesie Medlicensis nostro nos S decanus in Lastorf nostro ego Ch plebanus in Huren meo presentem litteram sigillorum munimine roboramus Acta et data in Sancto Ypolito anno domini MCCLXV XVII kalendas iunii