Charter Document - 04210061

Embricus Dei misericordia Herbipolensis Ecclesie Episcopus omnibus Christi fidelibus salutem in perpetuum Notum sit omnibus Christi fidelibus presentibus et futuris hanc litteram inspecturis quod quidam Regni ministerialis nomine Fridericus de Rota ob remedium anime sue ac pietatis intuitu Pontem in Wels qui Ecclesie et Episcopi Herbipolensis censualis extiterat omnibus tam negotiatoribus quam viatoribus de longe seu prope venientibus ad transeundum liberum reddidit datis videlicet in concambium legitime eiusdem Wirtzburgensis Ecclesie Vineis alijsque predijs suis siue areis liberis quas idem Fridericus in loco qui Palsensce dicitur et quod in libera possessione habuit per manum liberi hominis Herandi de Leope suscepit autem hanc donationem Marchio de Stiria Ottakarus junior eiusdem Herbipolensis aduocatus qui versauice pontem et eiusdem transitum accessum et abscessum cum beneficio quod Pehelin dicitur ipsi ponti adiacente in manum liberi hominis Albuini de Stein concessione et rogatu nostri Embriconis Wirtzpurgensis Ecclesie Episcopi perpetue libertati conseruandum ac tuendum tradidit Nos itaque Embricus Wirtzpurgensis Ecclesie Episcopus statuimus pleno iure nostra authoritate quod quecunque sit spiritualis siue secularis idonea persona quem senior pars Ciuium in Wels in magistrum eiusdem pontis et Rectorem elegerint Idem Rector aduocatus sit et Judex super vniuersos redditus [predii] Sancti Egidij quod ponti dignoscitur attinere nec omnino liceat alicui Judici prouinciali seu preconibus in preiudicium Pontinarij ius a nobis institutum aliquo modo infringere Si vero ex aqua Trune aut ex veteratione lignorum pons dilabatur ex tunc omnibus qui subsidium manu Eleemosynarum predijs areis agris alijsque Eleemosynis in Ecclesijs ad erectionem pontis dederint authoritate Beate Marie et beatorum martyrum Kyliani et sociorum eius qui in Ecclesia nostra patrocinantur quadraginta dies eriminalium de iniuncta poenitentia in domino misericorditer relaxamus Nos vero ad instantiam et petitionem Christianissimj viri prefati Friderici de Rota a Venerabilibus confratribus nostris talem obtinuimus indulgentiam ab Archiepiscopo Salisburgensi quadraginta dies criminalium a Domino Episcopo Frisiacensi quadraginta dies criminalium a Domino Episcopo Babenbergensi quadraginta dies criminalium a Domino Episcopo Ratisponensi quadraginta dies criminalium de iniuncta poenitentia omnibus ponti subsidium eelemosynis suis conferentibus auctoritate patrocinium suorum in domino misericorditer relaxamus Si qua vero que antea premisimus nunc ad memoriam reducimus Statuentes siquidem si magister pontis ardua negotia tractare in predio sancti Egidij habuerit que per se diffinire nequiuerit Judicem ciuitatis et cum eo quatuor ciues meliores assumat qui hoc negotium vna cum eo perducant ad effectum Datum in Ecclesia Herbipolensi Anno Domini Millesimo Centesimo vigesimo octauo