Charter Document - 04140250
| Charter Number: | 04140250 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1265 |
| Date type: | Internal, A.D., Calendar |
| Resource Link(s): |
Reference Document for this Embedded Document Monasterium.net |
Charter:
Quoniam quod scripturarum confirmat auctoritas inproborum non potest nec debet inprobitas infirmari et obliuio contraria memorie abolere nos Vlricus dei gracia dux Karinthie dominus Carniole et Marchie presentibus profitemur et ratum haberi volumus quod per totum predium ecclesie Frisingensis in Gutenwerde et alibi situm in Marchia per nos siue per iudicem nostrum prouincialem nullam iurisdiccionem seu auctoritatem iudiciariam exercere volumus aut debemus nisi in certis casibus infra scriptis hiis uidelicet de homicidio quod wlgariter dicitur totslach de furto et de raptu seu uiolenta corrupcione virginum seu mulierum quod uulgariter dicitur notnumft perpetratis in predicto predio iudicabit iudex prouincialis noster tali modo quod rei seu obnoxii talium criminum per officialem venerabilis patris et domini [] episcopi Frisingensis assignentur iudici nostro prouinciali sine rebus tamen ipsorum que cedent ipsi domino episcopo et iudex noster faciet iudicium de personis talium de rebus nichil sibi penitus usurpando Si uero iudicium exercendum fuerit de wlneribus seu effusione sanguinis quod plutiger phenninch dicitur iudex noster cognoscet de causa et iudicabit et emenda pro tali delicto debita promittetur ad manus iudicis nostri sed soluetur officiali episcopi memorati ita quod iudex noster de emendis huiusmodi nichil sibi audeat vendicare In premissis igitur casibus in quibus iudicabit iudex noster vocabit eos reos ad iudicium et de citatis tercio et ob contumaciam se a iudicio absentantibus emendam ipse iudex noster recipiet et nil vltra Item tabernam in predio predicto dominus episcopus Frisingensis habeat preter ipsius episcopi uoluntatem Similiter uolumus et mandamus ut in festis dictis chirchtag que certis temporibus celebrantur in predio memorato iudex noster nec theolonium aliquid recipiat nec angarias seu vexaciones quascunque in confluentes ibidem homines audeat exercere Remittimus etiam denarium quem iudex noster consueuit recipere in dicto predio pro vrna uini vendita ab hominibus prelibate ecclesie Frisingensis Insuper prohibemus districte ne quisquam iudicum nostrorum prouincialium indicat seu habeat iudicia que uocantur lantgeriht in villis predii sepe dicti nisi forte in foro Gutenwerde quod per presentes uolumus inhibere Vt autem premissa robur obtineant perpetue firmitatis presentes tradidimus nostri sigilli munimine roboratas Datum iuxta castrum Nidekk in ecclesia sancti Johannis anno domini millesimo ducentesimo sexagesimo quinto XVIII kal Julii