Charter Document - 04130034
| Charter Number: | 04130034 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1303 |
| Date type: | Internal, A.D. |
| Resource Link(s): |
Embedded Document Monasterium.net |
Charter:
Rudolfus dei gracia dux Austrie et Styrie dominus Carniole Marchie ac Portusnaonis universis presencium inspectoribus graciam suam et omne bonum Noveritis nos privilegium honorabilium in Christo abbatis et conventus Celle angelice cisterciensis ordinis Pataviensis dyocesis recepisse per omnia in hec verba [] Nos igitur divine retribucionis intuitu quem erga ejusdem novelle plantationis promocionem gerimus inconcusse non solum dictum privilegium et omnia in eo contenta de verbo ad verbum sed etiam cupientes eisdem abbati et conventui Celle angelice dispensative facere graciam specialem omnes possessiones et redditus quos usque ad datam presencium possident justis titulis acquisitos presencium literarum patrocinio innovamus approbamus et de certa sciencia confirmamus statuto nostro quo cavetur et inhibetur ne clerici religiosi vel ecclesiastice persone ex nunc in antea possessiones et redditus in terris nostris debeant comparare aliquatenus non obstante quam tamen graciam ipsis religiosis factam ad futuras possessiones non duximus aliquatenus extendendos In quorum omnium testimonium sigillum nostrum duximus presentibus literis appendendum Datum et actum Wienne anno domini millesimo trecentesimo tercio V idus Aprilis
Markups
Names Markup:
Rudolfus dei gracia dux Austrie et Styrie dominus Carniole Marchie ac Portusnaonis universis presencium inspectoribus graciam suam et omne bonum Noveritis nos privilegium honorabilium in Christo abbatis et conventus Celle angelice cisterciensis ordinis Pataviensis dyocesis recepisse per omnia in hec verba []embed Nos igitur divine retribucionis intuitu quem erga ejusdem novelle plantationis promocionem gerimus inconcusse non solum dictum privilegium et omnia in eo contenta de verbo ad verbum sed etiam cupientes eisdem abbati et conventui Celle angelice dispensative facere graciam specialem omnes possessiones et redditus quos usque ad datam presencium possident justis titulis acquisitos presencium literarum patrocinio innovamus approbamus et de certa sciencia confirmamus statuto nostro quo cavetur et inhibetur ne clerici religiosi vel ecclesiastice persone ex nunc in antea possessiones et redditus in terris nostris debeant comparare aliquatenus non obstante quam tamen graciam ipsis religiosis factam ad futuras possessiones non duximus aliquatenus extendendos In quorum omnium testimonium sigillum nostrum duximus presentibus literis appendendum Datum et actum Wienne anno domini millesimo trecentesimo tercio V idus Aprilis