Charter Document - 04130011
| Charter Number: | 04130011 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1297 |
| Date type: | Internal, A.D. |
| Resource Link(s): |
Monasterium.net |
Charter:
Albertus dei gratia dux Austrioe et Styrioe dominus Carnioloe Marchioe ac portus Naonis omnibus in perpetuum Desiderantes ex intimo cordis affectu nobis memoriale perpetuum et sempiternum remedium preparare ad promotionem novelle plantationis Celle angelice Pataviensis diocesis Cisterciensis ordinis favorem nostrum duximus liberaliter exercendum potissime cum reverendus in Christo pater dominus noster Wernhardus venerabilis Pataviensis episcopus eandem fundationem nobis obtulerit nosque ipsam utpote veri fundatores in defensionem privatam et graciam receperimus specialem Hinc est quod nos sub spe remunerationis divine abbati et conventui remedium Celle angelice damus et concedimus facultatem omne granumet vinum quod pro domo sua necessarium habuerint deducendi denuntiantes et decernentes ipsos et bona premissa ab omni prestatione mute seu thelonei in omnibus locis nostrarum mutarum liberos et immunes In cujus rei testimonium presentes dedimus literas nostro sigillo munitas Datum et actum Patavie anno domini millesimo ducentesimo nonagesimo septimo in dominica Circumdederunt me