Charter Document - 04090004
| Charter Number: | 04090004 |
|---|---|
| Cartulary Title: | Archiv Ceské koruny |
| Charter Language: | Latin |
| Charter Origin: | Religious |
| Charter Type(s): | Transfer |
| Date: | 1281 |
| Date type: | Internal, A.D. |
| Resource Link(s): |
Embedded Document Monasterium.net |
Charter:
Universis Christi fidelibus ad quos presens scriptum pervenerit frater Joannes abbas Cistertii totusque conventus abbatum capituli generalis salutem et notitiam subscriptorum Piis petitionibus quibus bone memorie inclytus rex Boemie quondam et nunc filius suus heres regni Boemie illustris princeps a nobis humiliter petiverunt ut paternitatem monasterii quod de Sancta Corona nominatur Pragensis dioecesis nostri ordinis que primum ad Sanctam Crucem in Austria pertinebat ad abbatem et conventum de Plaz petitionis eorum intuitu auctoritate generalis capituli transferremus Nos itaque considerantes quanto defensionis patrocinio prelibati principes nostrum ordinem confoverunt ex antiquo [et] dotaverunt multarum gratiarum beneficio communi decreto censuimus tam illustrium principum petitionem fore simpliciter admittendam maxime cum ipsi dicte domus Sancte Corone primi et principales fundatores existant et etiam nominentur Auctoritate igitur generalis capituli paternitatem sepedicte domus Sancte Corone et regimen tam spiritualium quam temporalium cum omnibus iuribus suis et attinentiis non obstante quod filiatio ad abbatem et conventum Sancte Crucis primitus pertinebat venerabili coabbati nostro et conventui de Plaz Pragensis dioecesis nostri ordinis damus et dedimus tenendam et habendam sine contradictione inperpetuum pleno iure inhibentes firmiter et districte auctoritate capituli generalis personis ordinis universis ut contra nostram ordinationem et paternitatis translationem quam per diffinitivam ordinis sententiam fecimus que talis est [] Anno domini MCCLXXXI ad petitionem illustris regis quondam Boemie et nunc ad petitionem regine ac tutoris dicte terre quem ob sui reverentiam et honorem multaque genera meritorum tenetur capitulum generale exaudire decrevit idem capitulum quod paternitas loci qui dicitur Sancte Corone abbati de Plaz de cetero applicetur non obstante quod dicta paternitas ante destructionem loci abbatis fuerit Sancte Crucis abbatem et conventum de Plaz antedictum nullatenus audeant molestare nec aliquid talium attemptare per quod dicte paternitatis translatio impediri retractari valeat vel quomodolibet irritari Et in omnium horum evidens testimonium presentes litteras ipsis dedimus nostri sigilli munimine roboratas Date anno domini MCCLXXXI apud Cistertium tempore capituli generalis
Markups
Names Markup:
Universis Christi fidelibus ad quos presens scriptum pervenerit frater Joannes abbas Cistertii totusque conventus abbatum capituli generalis salutem et notitiam subscriptorum Piis petitionibus quibus bone memorie inclytus rex Boemie quondam et nunc filius suus heres regni Boemie illustris princeps a nobis humiliter petiverunt ut paternitatem monasterii quod de Sancta Corona nominatur Pragensis dioecesis nostri ordinis que primum ad Sanctam Crucem in Austria pertinebat ad abbatem et conventum de Plaz petitionis eorum intuitu auctoritate generalis capituli transferremus Nos itaque considerantes quanto defensionis patrocinio prelibati principes nostrum ordinem confoverunt ex antiquo [et] dotaverunt multarum gratiarum beneficio communi decreto censuimus tam illustrium principum petitionem fore simpliciter admittendam maxime cum ipsi dicte domus Sancte Corone primi et principales fundatores existant et etiam nominentur Auctoritate igitur generalis capituli paternitatem sepedicte domus Sancte Corone et regimen tam spiritualium quam temporalium cum omnibus iuribus suis et attinentiis non obstante quod filiatio ad abbatem et conventum Sancte Crucis primitus pertinebat venerabili coabbati nostro et conventui de Plaz Pragensis dioecesis nostri ordinis damus et dedimus tenendam et habendam sine contradictione inperpetuum pleno iure inhibentes firmiter et districte auctoritate capituli generalis personis ordinis universis ut contra nostram ordinationem et paternitatis translationem quam per diffinitivam ordinis sententiam fecimus que talis est []embed Anno domini MCCLXXXI ad petitionem illustris regis quondam Boemie et nunc ad petitionem regine ac tutoris dicte terre quem ob sui reverentiam et honorem multaque genera meritorum tenetur capitulum generale exaudire decrevit idem capitulum quod paternitas loci qui dicitur Sancte Corone abbati de Plaz de cetero applicetur non obstante quod dicta paternitas ante destructionem loci abbatis fuerit Sancte Crucis abbatem et conventum de Plaz antedictum nullatenus audeant molestare nec aliquid talium attemptare per quod dicte paternitatis translatio impediri retractari valeat vel quomodolibet irritari Et in omnium horum evidens testimonium presentes litteras ipsis dedimus nostri sigilli munimine roboratas Date anno domini MCCLXXXI apud Cistertium tempore capituli generalis