Charter Document - 04050209

[] abbati monasterii sancti Galli et eiusdem ac Renaugensis mon[asterii] conventibus ordinis sancti Benedicti Constantiensis dioecesis Hiis que rite auctoritate mandati apostolici ordinantur non indigne robur adicimus firmitatis Sane per unionem sancti Galli et Renaugensis monasteriorum utriusque utilitatibus non deperire sed accrescere ac non minus honori et profectui dicti Renaugensis quam ipsius sancti Galli monasteriorum etiam consuli arbitrantes nobilitate ac magni nominis fama eiusdem monasterii sancti Galli et tua fili abbas potentia et industria operantibus non modicum ad premissa dilecto filio abbati Heremitarum Constantiensis dioecesis dedimus nostris litteris in mandatis ut si expedire videret prefatum Renaugense monasterium auctoritate nostra uniret sancti Galli monasterio memorato contradictores [] non obstante quod venerabili fratri nostro [] episcopo Constantiensi a nobis dicitur esse concessum quod nullus preter eum super quacumque provisione possit esse in sua civitate ac dioecesi executor Cum autem sicut ex parte vestra fuit propositum coram nobis idem abbas attendens unionem huiusmodi utriusque monasterii expedire vestri filii conventus et ministerialium vassallo orum et hominum ac aliorum ad monasteria ipsa spectantium concurrentibus ad hoc voluntatibus et assensu mandati auctoritate huiusmodi prefata monasteria duxerit unienda prout in litteris inde confectis plenius continetur nos vestris supplicationibus inclinati unionem ipsam sicut provide facta est ratam et gratam habentes eam auctoritate apostolica confirmamus et presentis scripti patrocinio communimus tenorem litterarum ipsarum presentibus de verbo ad verbum inseri faciendo qui talis est [] Nulli ergo [] nostre confirmationis [] Dat Lugduni II kl oct anno VIII