Charter Document - 04050207
| Charter Number: | 04050207 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1250 |
| Date type: | Internal, A.D., Calendar |
| Resource Link(s): |
Reference Document for this Embedded Document Monasterium.net |
Charter:
Universis presentes litteras inspecturis abbas Heremitarum Constantiensis diocesis salutem in domino Noveritis nos recepisse domini pape litteras in hunc modum Cupientes itaque ipsius domini pape mandatum exequi diligenter et videntes unionem huiusmodi utrique monasterio expedire monasteriorum ipsorum conventuum ministerialium vassallorum et hominum ac aliorum ad ea spectantium concurrentibus ad hoc voluntatibus et assensu nos huiusmodi auctoritate mandati prefata monasteria duximus unienda in contradictores excommunicationis sententia promulgata decernentes irritum et inane si quid de illis contra unionem eandem contigerit attemptari In cuius rei testimonium presentes litteras fieri fecimus et nostri sigilli appensione muniri Act apud Heremitas anno domini MCCL kl iulii indict VIII