Charter Document - 03960042
| Charter Number: | 03960042 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 |
| Date type: | Internal, Calendar, Papal |
| Resource Link(s): |
Monasterium.net |
Charter:
Frater Gwido miseratione diuina tituli sancti Laurencii presbyter cardinalis apostolice sedis legatus religiosis viris [] abbati et conuentui monasterii sancte Marie Scotorum in Wienna ordinis sancti Benedicti Patauiensis dyocesis salutem in domino Cum a nobis petitur quod iustum est et honestum tam vigor equitatis quam ordo exigit rationis vt id per nostre sollicitudinis studium ad debitum perducatur effectum Sane ex parte vestra extitit intimatum quod bone memorie Rudigerus quondam ecclesie Patauiensis episcopus vt ecclesiam in Pulka Patauiensis dyocesis in qua ius patronatus ad uos pertinet licite retinere possetis ac libere perpetuo possidere cum omnibus redditibus iuribus et pertinenciis suis vobis et monasterio vestro per suas duxit patentes litteras concedendum Quare suplicastis humiliter per nos concessionem huiusmodi confirmari Nos igitur vestris precibus fauorabiliter inclinati concessionem ipsam auctoritate qua fungimur confirmamus et presentis scripti patrocinio communimus vobis vt eandem ecclesiam per religiosas sev seculares personas ad hoc ydoneas saluis dyocesani et archydyaconi ac legatorum sedis apostolice iuribus officiare possitis tenore presencium coricedentes Datum Wienne XIIII kalendas Junii pontificatus domini Clementis pape IIII anno III