Charter Document - 03789422

In honore Sancti Paterni volo ut mihi concedatis terram Rainaldi Coqui eo tenore quod si heres ejus me requisierit sine mora et contradictione illi reddam retento illius proprio servitio Radulfus Malregrat terram suam dum Apuliam ivit cuidam nepoti nostro nomine Radulfo de Port propter xii marcas argenti in vadimoniavit Et nunc amicis nostris inter nos colloquentibus ad tantum convenimus quod accipit a me xii libras Cenomannensium pro terra tali pacto atque thenore quod dum filius Radulfi Malregardi illius etatis fuerit qua terram tenere et regere potuerit fide mea fratrumque meorum legaliter et firmiter as securo quod nulla vi nec aliquo machinamento nequitie nec nos nec aliquis heredum meorum terram illam retinebit sed sine dilatione et contradictione redditis nobis xii supradictis libris sive heredibus nostris fine tenus terram illam illi restituemus Et ut fidelius indubitanter nobis credatur nostrique sequaces hec audiant et teneant juro atque contestor fratresque mei mecum sponte nostra super sacrosancta evangelia quod hec et a nobis et a nostris heredibus tenebuntur Terram Rogerii de Grandivilla hactenus in custodia mea habui quia armiger meus erat sed nunc miles factus in presentia vestri et horum omnium tam monachorum quam laicorum reddo eam sibi quoniam verasciter scio quod abbatibus hujus ecclesie sicut alii barones abbatie servire debet et pro hoc humillime imploro ut servitium Roberti filii Ivonis mihi concedatis retentis vobis omnium suorum hominum consuetudinibus Guillelmus de Pomeria et Stephanis de Tabula submiserunt se ut perfidi Rogerio fratri meo cui consulo et laudo ut pro illorum servitio vobis hominium faciat et sit hujus ecclesie homo tali pacto et conditione ut vavassores illorum ubicunque necesse fuerit vobiscum et monachis vestris eant et deferant manticas et pannos monachorum et reddant vobis decimas moltam telonia auxilia quia nolumus minuere debita et consuetudines hujusce ecclesie cujus beneficio et nutrimento educati et procreati sumus Tum Rogerius exurgens abbati hominium fecit juravitque super sacrosancta evangelia fidelitatem ecclesie et quod in nullo consuetudines et debita monachorum invaderet neque terras eorum presumptuose usurparet In honore Genecii apud Poterel in vadimoniavi ego Thomas terram Gathonis tali conditione quod si abbas vel monachi mihi vel alicui heredum meorum quatuor libras Cenomannensium reddere voluerint in pace eam habeant Niellus presbiter vineam suam propter unam marcham argenti habiens Jerusalem in vadimoniavit tali pacto ut si monachi hujus ecclesie a me vel ab aliquo heredum suorum eam redimere voluerit in pace habeat et dum in manu mea vel heredum meorum fuerit precipio cum sacramento quod terragium plenissime et legaliter reddatur Et de illa et de aliis vineis rusticorum que mee manui subjacent hoc idem concedo et precipio ne unquam vinum moveatur donec terragium ad thorcular Sancti Michaelis deferatur Theloneum de dunis quod injuste mihi usurpaveram vobis reddo et di aliquid inde forisfeci peto ut mihi indulgeatur Terram Rainaldi de Monasterio vobis reddo quoniam didici quod a quodam perfido persuasum est mihi ut eam reciperem Similiter terram Garenberti que super villam Genecii est vobis fine tenus reddo quoniam verissime cognovi quod Robertus filius Hamonis cum ad monachatum venit illam pro anime sue salute huic ecclesie dedit Terram Theboldi liberi quam Hugo de Inferno de me tenet rogo ut mihi concedatis quia decem solidos Cenomanensium habeo de illo quos amittere nolo Quedam prata que sunt sub vineis de Briun que idem Hugo sub meo patrocinio injuste ponit vobis relinquo quoniam certissime scio quod de dominio Sancti Michaelis existunt Rursum Thomas quadam altera die cum episcopo Abrinchatensi et multis aliis baronibus ad Montem venit abbatemque et monachos adiens ut hominium illius benigno amore susciperent quod et factum est Deinde dixit Confiteor domini quod xx solidos Cenomanensium consuete reddere debeo ad nundinas de Monte Martini omni anno pro terra Lamberti Aurifabri et pro terra Rainaldi filii Serlonis huic ecclesie Si autem vestre providentie placeret ut hos mihi xx solidos alterna retis et patrem meum atque matrem meam meque et fratres meos in beneficio hujus sacratissime ecclesie reciperetis in vestra voluntate sine ullo clamore cujuslibet hereditatis neque mei neque meorum successorum nemus vestrum quod omnino destruitur ad horam et ad tempus fideliter custodirem et terram Doblelli que mihi reddit viii quarteria frumenti vobis variando concederem et omne frumentum quod in circuitu nemoris est sicut consuete fit et de hominibus qui circa nemus morantur et de landis si unquam lucrate fuerint et de molendino Haie ad horreum vestrum eat Cui abbas monachique respondentes dixerunt Quoniam ut ait Dominus filii hujus seculi prudentiores filiis lucis sunt si non crederemus nos vestris fallacibus et fraudulentis verbis decipi vos in primis consortes et comparticipes beneficiorum hujus ecclesie efficeremus et deinde xx solidos ut petitis alterna remus et in morte et in vita vobis benigno amore hec omnia concederemus Tunc Thomas exsurgens fratresque sui cum eo coram episcopo et omni conventu monachorum de manibus abbatis cum textu evangelii susceperunt beneficia monachorum et eis osculatis hec omnia [per] se conservanda firmiter statuerunt Quin etiam terram nemoris omnino quietam clamavit et dixit quod Nullus heredum meorum neque fratrum meorum nullo modo eam repetat Hoc testamentum factum est in capitulo Sancti Michaelis tempore Rogerii abbatis Et postquam Thomas de captione rediit de Gorram ante piissimum et gloriosissimum regem Henricum apud Argenteium abbate Ricardo hanc ecclesiam tenente istis coram rege presentibus Gaufrido archipresule Rothomagensi + Johanne Luxoviensi Ricardo Baiocensi Sig Roberto + dapifero de Haia Sig + Willelmo de Tancardevilla Sig + Willelmo Pincerna de Albineio Sig + Willelmo Britone cum multis aliis