Charter Document - 03592715
| Charter Number: | 03592715 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1290 |
| Date type: | Assigned |
| Resource Link(s): |
Reference Document for this Embedded Document |
Charter:
Memorandum quod cum abbas de Butlesden auctoritate venerabilis patris domini O dei gracia Linc episcopo coram nobis R de sancta Frideswyda archidiacono Bukm vices venerabilis patris gerentibus per decanum de Bokingham peremptorie fuisset citatus ad diem lune proximam post festum sancti Petri ad vincula in ecclesia parochiali de Hertwell super erectionem cuiusdam capelle in loco prorsus privato [nulla] auctoritate legitima interueniente infra limites parochie de Thorneberg ac eciam super quibusdam aliis sibi ex officio obtinendis responsurus et iuri pariturus peremptorie fuisset vocatus Dictus abbas per fratrem Hugonem commonachum suum procuratorem suum legitime constitutum dictis die et loco coram nobis comparuit priore de Luffeld dictum negocium promouente personaliter ibidem constitit qui post quasdam altercaciones fraternales copiam commissionis nostre et cuiusdam alterius instrumenti quo in iudicio vti voluit quod quidem instrumentum non habuit nec dolo habere desiit prout tactis sanctis ewangeliis ac corporali sacramento prestito coram nobis iurauit in quorum instrumentorum copia sibi decreta ac eciam petito ab ipso procuratori articulo super quibus dictus abbas responsurus vocabatur et obtento nos archidiaconus cum dicto abbate et suo procuratore tempus mitius agere volentes propter absenciam ipsius abbatis extra regnum existentis prout idem procurator puplice proficebatur diem definientem videlicet diem martis proximam post festum sancti Luce ewangeliste in prebendali ecclesia de Eylesburi ad liberandum et vlterius ad faciendum in dicto negocio quod ius dictaret suspendentes nichilominus dictam capellam quam dictus procurator dictum abbatem absque auctoritate pontificali erexisse in iudicio puplice confitebatur quousque predicto nobis archidiacono legitime constaret de iure seu priuilegio quibus dictus procurator abbatem et conuentum satis munitos esse dicebat ad erigendum capellam seu oratorium in loco memorato Iniunximus eciam predicto procuratori vt oblaciones et obuenciones quas post erectam capellam ibidem recepit in preiudicium prioris et conuentus ad ecclesiam de Thorneberge in proprios vsus habentem citra festum assumpcionis beate Marie proximum futurum restitueret quod quidem fideliter se promisit facturum et prius hoc se voluisse dicebat a predicto procuratore ad deliberandum cum predicto abbate suo et ad respondendum articulo sibi porrecto concessimus et prefiximus
Source (click image below to view full size)
