Charter Document - 03440346
| Charter Number: | 03440346 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1298 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Radulphus permissione divina Norwicensis episcopus executor a sede apostolica in hac parte specialiter deputatus dilecto in Cristo filio Gilberto dicto Lamberd de Lenne clerico salutem gratiam et benedictionem Cum nos a dicta sede receperimus in mandatis quod tibi de aliquo beneficio ecclesiastico ad collationem sive ad presentationem religiosorum virorum prioris et conventus ecclesie sancte Trinitatis de Norwico in nostra dioecesi Norwic aut civitate vacante provideremus tibique providere intendentes ut mandatur ecclesiasticum beneficium quodcumque tunc vacans vel quod primum vacare contigerit ad collationem seu presentationem dictorum prioris et conventus spectans in civitate predicta seu dioecesi ad opus tuum reservavimus per decretum inhibentes eisdem priori et conventui in virtute obedientie qua dicte sedi tenentur et nobis auctoritate eiusdem in premissis quatinus contra huius reservationem nostram nichil attemptarent seu attemptari facerent quoquo modo Nos vero quia post dictum mandatum receptum et reservationem per decretum factam primo invenimus ecclesiam de Alderforde nostre dioecesis ad dictorum prioris et conventus presentationem spectantem de iure et de facto vacantem et adhuc invenimus nos tibi de eadem ecclesia sic vacante auctoritate dicte sedis providimus et providemus per presentes ac te per filium nostrum investimus eadem salvis in omnibus nostre Norwicensis ecclesie iure et dignitate In cuius rei testimonium sigillum nostrum presentibus est appensum Datum apud Thorpe pridie idus Ianuarii anno Domini MCC nonagesimo septimo et consecrationis nostre nono