Charter Document - 03431179
| Charter Number: | 03431179 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 - 1261 |
| Date type: | Assigned |
| Resource Link(s): |
Reference Document for this Embedded Document |
Charter:
Alexander episcopus servus servorum Dei dilectis suis magistro et fratribus hospitalis sancti Egidii Norwic salutem et apostolicam benedictionem Cum a nobis petitur quod iustum est et honestum tam vigor equitatis quam ordo exigit rationis ut id per solicitudinem officii nostri ad debitum producatur effectum Exhibita nobis siquidem vestra petitio continebat quod bone memorie Walterus episcopus Norwicensis illorum premiorum intuitu que a regis etiam clementia pro misericordie studio conpensantur in proprio fundo suo in civitate Norwici de bonis per suam industriam acquisitis in honore sancte et individue Trinitatis gloriose virginis Marie beate Anne matris eiusdem virginis gloriose beati Egidii et omnium sanctorum hospitale in quo sub communi vita degitis fundare curavit inter cetera ordinando ut perpetuis temporibus esset in eodem hospitali magister qui sollicite ipsius tam in spiritualibus quam in temporalibus curam gereret diligentem et quod iiii fratres laici perpetuo morarentur ibidem negotiis ipsius hospitalis secundum dispositionem et ordinationem dicti magistri tam in ipso hospitali quam extra diligenter et fideliter vacaturi prout in literis ipsius episcopi super hoc confectis plenius continetur