Charter Document - 03421346
| Charter Number: | 03421346 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1302 |
| Date type: | Assigned |
| Resource Link(s): |
Reference Document for this Embedded Document |
Charter:
Robertus permissione divina Cantuar archiepiscopus totius Angl primas venerabili fratri domino Ricardo dei gratia London episcopo salutem et fraternam in Domino caritatem Ut animarum periculis verisimiliter iminentibus occasione quintedecime quam serenissimus princeps dominus Edwardus Dei gratia rex Angl illustris exigit de bonis ecclesiasticis nostre provincie Cantuar quantis possumus studiis obviemus optenta primitus dilatione exactionis eiusdem quintedecime a proximo parliamento ante auctumpnum usque ad estum sancti Michaelis ultimo transactum deinde cum magna instntia usque ad Pascha proximo iam futurum a dicto domino rege cum quo et suis proceribus iam in proximo parliamento suo London pro statu ecclesie sollicite super hoc contulimus sub certis modis et conditionibus cum omni celeritate discutiendis cogimur licet inviti prelatos nostre provincie et alios quos res contingit protinus convocare Quocirca fraternitati vestre committimus et firmiter iniungendo mandamus quatinus omnes et singulos coepiscopos nostros et suffraganeos nostre Cantuar provincie citetis seu citari faciatis peremptorie ac per eosdem episcopos auctoritate nostra citari mandetis similiter peremptorie in singulis dyocesibus omnes [] abbates et priores perpetuos plenum conventum habentes non exemptos et alias quascunque personas ecclesiasticas seculares et religiosas a quibus ratione possessionum temporalium ecclesiarum suarum huiusmodi quintadecima exigitur quod iidem episcopi in virtute obedientie personaliter alii vero premissi et singula capitula conventus et collegia tam secularium quam religiosorum per se vel per unum sue conditionis procuratorem sufficientem compareant apud sanctum Paulum London die lune proxima post festum sancti Nicholai proximo futurum cum diebus continuandis eidem usque ad finalem ipsorum expeditionem in hac parte tracturi de modis et conditionibus memoratis ac etiam ordinaturi concorditer qualiter ecclesiarum dispendia animarumque pericula melius valeant precaveri et ad ea que ex communi deliberatione concorditer providebuntur aut fient suum adhibituri consensum facturique ulterius quod inspirante Domino visum fuerit oportunum