Charter Document - 03411164

Videlicet quod semper vacante sede Cant liceat et liberum sit sine contradiccione et obstaculo cuiusquam [] priori seu presidenti ibidem et capitulo nominare duos viros ydoneos iuris peritos discretos seu causarum experienciam habentes et indigenas et nominacionem huiusmodi significent literatorie London episcopo qui pro tempore fuerit si idem episcopus superstes et in Cant provincia exstiterit infra mensem a tempore noticie vacacionis dicte sedis exercicio iurisdiccionis medio tempore penes prefatos [] priorem et capitulum residente quod si infra mensem non nominaverint et significaverint extunc donec nominaverint et significaverint in forma supradicta eisdem inpune non pareatur Qui episcopus unum de predictis viris nominatis acceptare gratificare sive approbare infra duos dies a die nominacionis sibi insinuate teneatur qui sic approbatus gratificatus seu acceptatus per eosdem [] priorem vel ibidem presidentem et capitulum officialis Cant constituetur sive creabitur Et extunc nomine vice et auctoritate eorundem [] prioris et capituli in tota Cant provincia iurisdiccionem huiusmodi libere exercebit sicut [] officialis domini [] archiepiscopi sede plena facere consuevit et consistorium suum tenebit ubi sibi videbitur expedire Promiso tamen quosdam suffraganeos episcopos dicte sedis vel eorum aliquem non proferat sentencias interdicti suspensionis vel excommunicacionis nisi ex probabili et rationali causa iuris necessitas id exposcat et tunc cum moderamine et reverencia qua decet Idem vero [] prior vel ibidem presidens cum officiali memorato et aliquibus de senioribus et discrecioribus ipsius capituli in confirmacionibus electionum in episcopatiis procedent prout secundum dictam iusticiam eis videbitur expedire qui si voluerint aliquem de suffraganeis episcopis ad hoc sibi associare poterunt nulla tamen sibi necessitate incumbente In consideracionibus vero suffraganei episcopi secundum canonicas sancciones et prout ius est auctoritate predictorum [] prioris vel ibidem presidentis et capituli convocentur Si vero dictus London episcopus superstes non fuerit aut in provincia prefata non exstiterit dicte nominacionis insinuacio fiat Winton episcopo si superstes fuerit et in Cant provincia exstiterit qui infra duos dies a die nominacionis sibi insinuate huiusmodi nominacioni acceptare gratificare seu approbare teneatur Quod si Wynton superstes non fuerit sive in provincia non exstiterit fiat hoc [] Wigorn episcopo qui eodem modo procedere teneatur