Charter Document - 03410164

In Dei nomine amen Cum inter venerabilem patrem dominum Iohannem dei gratia London episcopum et quosdam alios suffraganeos ecclesie Cristi Cantuar ex parte una et venerabiles viros dominos [] priorem et capitulum ecclesie Cristi Cant ex altera super viso et exercicio iurisdiccionis metropolitice sedis Cant vacantis per translacionem domini Roberti Dei gratia nuper Cant archiepiscopi in Portuensem episcopum cardinalem assumpti dicta sede vacante esset materia discordie seu contencionis exhorta tandem prefati episcopi prior et capitulum considerantes ex huiusmodi contencione et discordia iam gravia imminere dispendia et inposterum inde maiora posse pericula seu scandala provenire post varios tractatus super pacis reformacione inter eos habitos in quamdam formam pacis seu composicionis expresse consenserunt que talis est [] Quod si idem Wygorn episcopus superstes non fuerit vel in provincia non exstiterit fiat hoc [] viciniori episcopo suffraganeo hoc adhibito moderamime quod si aliquis de supradictis [] episcopis infra tempus super expressum non gratificaverit acceptaverit seu approbaverit ut superius continetur ex tunc liceat [] priori vel ibidem presidenti et capitulo memoratis unum de supradictis duobus nominatis quem voluerint libere constituere seu creare officialem qui iurisdictionem exerceat ac si esset acceptatus sive approbatus prout superius annotatur Actum est etiam quod si [] officialis sic creatus in suo officio indiscrete aut perperam se gerat quod liceat dictis [] priori vel ibidem presidenti et capitulo ipsum officialem ab officio amovere et ad creacionem alterius procedere secundum formam superius annotatam Idem etiam fiet si officialem huiusmodi cedere vel decedere contingat Et est sciendum quod partes supradicte expresse renunciant omnibus appellacionibus et provocacionibus interpositis hinc et inde pretextu vel occasione discordie supradicte necnon querelis et accionibus que ipsis competere poterant quocumque iure vel facto pretextu premissorum et expensas hinc et inde factas occasione predicta sibi totaliter remiserunt Sententie vero interdicti suspensionis et excommunicationis a quibuscumque et contra quoscumque prolate pretextu seu occasione discordie supradicte nullum robur optineant vel vigorem Ad perpetuam vero memoriam premissorum superinpositione seu pacis reformacione predictis duo eiusdem tenoris confecta sunt instrumenta preterquam in data die et loci propter parcium absenciam et locorum distanciam quorum unum sigillis predictorum [] prioris et capituli sigillatum penes dominum [] episcopum aliud vero sigillis predicti domini [] London episcopi et con suffraganeorum suorum huic ordinacioni seu composicioni assensum prebencium sigillatum penes prefatos [] priorem et capitulum remanebit Datum London octavo kalendas Iulii anno domini millesimo ducentesimo septuagesimo octavo