Charter Document - 03411046
| Charter Number: | 03411046 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1227 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
G episcopus servus servorum dei venerabili patri episcopo et dilecto filio decano ecclesie sancti Pauli London salutem et apostolicam benedictionem Sua nobis parochiani ecclesie beate Marie de Ware conquestione monstrarunt quod cum prior de Ware London diocesis alienigena tenebitur in eadem ecclesia per vicarium idoneum anglicane ydiome cotidie deservire idem id perficere contradicet ad magnum preiudicium gravamen ecclesie predicte et parochianorum eiusdem pro quibusdam conditionibus interpositis cuidam compositioni inter partes predictas prius facti videlicet pensione x marcarum annue pensionis decimis molendinorum totius parochie de Ware et Thundrych decimis provenientium de parco et nemoribus que sunt vel fuerunt domini Roberti comitis Leicestr videlicet arborum lignorum silve cedue in eisdem nemoribus persolvendis decimis garborum bladorum et fenum in predictis parochiis crescentium predicto priori dumtaxat penitus reservatis ad detrimentum et iniuriam ipsius vicarie predicte temporibus futuris destructionem propter que ipsi et ipsa ecclesia de Ware divine obsequiter defraudantur nobis supplicantes de oportuno remedio provideri Quocirca discretioni vestre per apostolica scripta mandamus quatinus partibus convocatis audiatis causam et appelatione remota sive canonico terminentis facientes quod decreveritis per censuram ecclesiasticam firmiter observari semper habentem respectum quod portionem vicarii ecclesie predicte curam animarum gerentis non obstante aliqua ordinationem inter priorem de Ware et vicarium eiusdem primitus ordinata quoniam laudabilis portio et honesta eidem vicario loci predicti per vos fideliter tribuatur unde congrue bene et laudabiliter vivere posset Testes autem qui ad hoc vocati sive nominati fuerint si se gratia odio vel timore subtraxerunt per censuram eandem appellatione cogatis predicte ordinationi veritatis testimonium perhibere quod si decanus predictus in hiis exequendis non poteritis interesse tamen ea frater episcope cum omni diligentia nichilomnius exequatis Dat Rome apud sanctum Petrum iii non Februarii pontificatus nostri anno primo