Charter Document - 03410046

Omnibus Cristi fidelibus presentem paginam inspecturis Rogerus dei gratia London episcopus et Galfridus decanus ecclesie sancti Pauli London salutem in domino Mandatum domini pape suscepimus in hec verba [] Harum igitur auctoritate litterarum partibus vocatis in nostra presentia constitutis cum questio coram nobis verteretur super ordinatione vicarie ecclesie parochie beate Marie de Ware et capelle de Thundrych tandem post multas altercationes lis inter partes mota hoc fine iudicialiter requient videlicet quod dicti partes prior et vicarius de Ware tactis sacrosanctis evangeliis iuraverunt ecclesie mandatis deparere et stare ordinationem vestre omni appellatione postposita Superque dictus tunc Willelmus prior de Ware verus procurator domus sancti Ebrulfi in Anglia littera procurationis sue nobis prius ostensa et approbata coram nobis fatebatur se remisisse relaxasse ac omnino pro se et successoribus suis imperpetuum quietum clamasse domino Nicholao Speleman ad presentationem suam vicario de Ware sibi et successoribus suis annuam pensionem x marcarum argenti in quibus sibi tenebatur pro annua pensione vicarie predicte prout plenius per evidentias inde confactas nobis evidenter apparuit Quibus visis et diligenter examinatis nos memoratus episcopus predictam annuam pensionem vicarie predicte revocamus reprobamus et cassamus et predictum vicarium et successores suos a dicta solutione predicte pensionis imperpetuum quietum clamamus ac eidem priori et suis successoribus ibidem prioribus futuris in hac parte silentium perpetuum imponimus et pro maiori securitate parti dicti vicarii faciendo nos finem litibus cupientes impositioni diffinimus et diffinendo statuimus et ordinamus quod si predictum priorem de Ware vel successores suos quod absit aliquod ius vel clameum in predicta pensione x marcarum exigere vel vendicare contigerit decetero in parte vel in toto quod extunc decimas molendinorum totius ville de Ware et Thundrych decimas provenientium de parco et nemoribus que sunt vel fuerunt domini Roberti comitis Leycestr decimas garbarum provenientium de quinquaginta sex acris arabilibus de terris manerio de Ware ex utraque parte adiacentibus videlicet linialiter directe a cruce vocata Warimo Cros usque Baldoklanende versus orientalem abbutantiam super prioratum de Ware et a Warymo Cros versus occidentalem linialiter directe ultra terras vocatas Godeyerlondes usque ripam directe descendentam ad molendinum de Ware et a molendino usque Waterlanende et sic ascendendo de Waterlane per viam regiam usque Buldoklanend prenominatum capita terrarum abbutancia super viam vocatam Warymo Wey versus boriam ex una parte et ripam vocatam Mylewater et Millestrete ex alia parte versus australem Similiter decime garbarum provenientium de quadragintis acris terre arrabilis et una acra prati iacentia in Estdele a venella vocata Cryspeforet ex parte occidentali usque ad crucem vocatam Whytberwe Cros ex parte orientali capita terrarum abbutant super venellam vocatam Popeslane versus boriam et villam de Ware ac venellam vocatam Gernerlane ducantem usque Whitberwte Cros ex parte australi Ac etiam decime garbarum provenientium de uno crofto vocato Salmennescroft quod est Stephani Blake senioris iacente in campo vulgariter nuncupato Pepesfeld unacum decimis feni de pratis domini vocatis Berymed Chaldewellemede Millemede et Par Modes predicto vicario de Ware et successoribus suis in forma predicta remaneant imperpetuum Percipiet autem idem vicarius et alii qui pro tempore in eadem ecclesia instituti fuerint vicarii nomine vicarie sue oneretur minutas decimas et oblationes quascumque ac omnia ad dictam ecclesiam de Ware et capellam de Thundrych pertinent sive infuturum pertinere poterint exceptis decimis garbarum reservatis tamen predicto vicario et successoribus suis decimas garbarum octaginta xviii acrarum cum crofto predicto et decimas feni de pratis domini supradictis conditione supradicta item exceptis decimis feni salvis tamen eidem vicario et successoribus suis decimis feni de feodo Roberti de Parco Silvestri de Aqua et Walteri clerici Percipiet idem vicarius et alii vicarii decimas lignorum arborum et silve cedue de omnibus nemoribus groves delles et sepibus totius parochie ville de Ware et Thundrych Habebit insuper idem vicarius et alii decimas ligni et canabi decimas ortorum et fructuum lane agnellorum porcellorum ancarum signorum vitulorum casiorum butiri lactis et animalium agistamentium in parochia de Ware et Thundrych decimas cervorum cuniculorum piscium et omnium volacrum decimas molendinorum negotiationum lucrorum et hospitorum principalia et omnia alia ad altaria ecclesie de Ware et capelle de Thundrych pertinentia Habebit insuper vicarius et alii qui pro tempore in eadem ecclesia instituti fuerint mesuagium quod vocatur mesuagium sacerdotis unacum augmento orti quod fuit prioris et ordinaria onera predicte ecclesie incumbentia et debita sustinebit Hanc autem compositionem utraque pars prioris et vicarii coram nobis et parochianis de Ware fideliter observandam promisit renuncians privilegio fore appelationi cavillationi dilationi exceptioni impetratis et impetrandis et omni alio remedio iuris tam canonici quam civilis et ad maiorem securitatem huisimodi compositionis reservata episcopo London loci diocesano iurisdictione imperpetuum ut dictos priorem et vicarium de Ware et Thundrych ad prenominate compositionis observationem compellat Et ne ea que coram nobis sopita sunt morte residiva reviviscant memoratam compositionem realem et perpetuam tenendam auctoritate apostolica et nostra de consensu partium confirmamus et presenti pagine in modum cyrographi confacte signa nostra cum signis partium apposuimus Hiis testibus Iohanne atte Water Iohanne le Blake seniore Roberto de Parco Silvestro de Aqua Osberto de Fenham Roberto Whytborwe Willelmo Halthede et aliis Dat London in capella palatii nostri in festo sancti Barnabe Apostoli anno domini millesimo CC tricesimo primo et nostre consecrationis anno primo