Charter Document - 03409279

Universis sancte matris ecclesie filiis ad quos presentes littere pervenerint Willelmus Bluet dominus de Lacham salutem in domino sempiternam Noverint universi et singuli me caritatis intuitu et ad honorem dei et sue beatissime matris et pro anima mea et pro animabus patris matris uxorum necnon antecessorum et successorum meorum et pro animabus omnium fidelium defunctorum contulisse et hoc presenti scripto confirmasse in puram et perpetuam elemosinam deo et beate Marie et capellanis successive pro tempore deo et capelle beate Marie in manerio de Lacham deservientibus de dominico meo viginti acras et dimidiam et terciam partem dimidie acre terre arabilis et quinque acras prati iacentes in manerio de Lacham in diversis locis subscriptis videlicet decem acras iacentes in campo qui vocatur Westfelde quarum tres acre iacent contra Holrigge inter terram quondam Willelmi le Trug et terram quondam Roberti le Carpent et una acra iacet iuxta viam regiam que ducit de molendino templi versus Wik inter terram Edithe gulie et quandam culturam que se extendit super acram illam et una acra iacet inter terram abbatisse de Lacok et terram Willelmi sutoris de eadem villa et extendit se super viam regiam que ducit de molendino templi versus Baton et sexta acra iacet inter terram Willelmi de Nattone et terram quondam Roberti prodome in Esleforlong et duas acras in Laxele que quondam fuerunt de terra Sibil la Frye et iacent inter terram Roberti prodome et Willelmi de Asswelle et Ricardi Swin et tres acras iacentes in Asselye inter terram Willelmi Trug et culturam que se extendit super illas tres acras et duas acras in Asselye iacentes inter terram abbatisse de Lacok et quinque acras iacentes in la Inlonde quarum tres acre iacent apud Horehulle inter terram Edmundi molend et terram Iohanne relicte carpent et una acra iacet in Weteforlong inter terram abbatisse de Lacok et dominicum meum et una acra iacet desuper Lukerne et extendit se contra la Dune et dimidiam acram iacentem in Nethecote inter terram Willelmi de Asswelle et terram Walteri filii Hawis et duas acras iacentes in Flexlye inter terram Hugonis le Herl et terram Edithe relicte Caperun et terciam partem dimidie acre iacentem in Suthbir inter terram Willelmi de Asswelle et terram Roberti prodomme et duas acras prati iacentes inter ripam que vocatur Avene et stagnum molendini de Lacham et duas acras prati iacentes inter ripam de Avene et terram Ricardi de Wik et extendunt se versus pontem qui vocatur Hebrigge et unam acram prati iacentem in Smalemede et unum mesuagium et triginta et tres solidos et duos denarios annui redditus annuatim percipiendos in locis subscriptis videlicet mesuagium situm inter mesuagium quondam Walteri Bat et mesuagium quondam Roberti le turnur et unam marcam annuatim percipiendam de molendino et tenemento quod Edmundus molend aliquando tenuit et decem solidos de tenemento quondam Iohannis de la More et duodecim denarios de tenemento quondam Petri clerici et tres solidos et decem denarios de tenemento quondam Henrici le Bule et quinque solidos de tenemento quondam Ricardi de la Berse et quatuor cereos quatuor librarum cere annuatim ad luminar in dicta capella inperpetuum sustinend et unam lampadem unaquaque nocte per annum ardentem videlicet duos cereos duarum librarum ad festum Annuntiationis beate Marie de tenemento Roberti de Lacok quod Henricus le Bule aliquando tenuit et duos cereos duarum librarum ad festum Nativitatis beate Marie exsolvendos de tenemento dicti Roberti apud le Hebrigge et unam lampadem unaquaque nocte ardentem inperpetuum de dicto tenemento dicti Roberti et omnia servitia et exactiones de predictis tenementis et eorundem tenementorum tenentibus provenientia in homagiis wardis releviis herietis et omnimodis alliis exactionibus cum omnibus suis pertinentiis et libertatibus absque aliquo retenemento mei vel heredum meorum Habend et tenend predictis capellanis et successoribus suis successive dicte capelle deservientibus prenominata tenementa et redditus et omnia inde provenientia cum omnibus suis pertinentiis et libertatibus libere quiete integre bene et in pace bona in puram liberam et perpatuam elemosinam inperpetuum Et ego Willelmus Bluet et heredes mei warentizabimus aquietabimus et defendemus prenominatam terram pratum mesuagium redditum luminare et omnia de predictis tenementis et eorundem tenementorum tenentibus provenientia cum omnibus suis pertinentiis et libertatibus ut predictum est predictis capellanis et successoribus suis siccessive deo et predicte capelle deservientibus contra omnes homines et feminas inperpetuum Et cum contingat aliquem capellanorum qui pro tempore fuerit in capella memorata divina celebrantium infata decedere ego Willelmus Bluet et heredes mei vel assignati nostri capellanum deo et beate Marie et dicte capelle de Lacham deserviturum venerabili patri in Cristo episcopo Sar qui pro tempore fuerit infra duos menses presentabimus et dictus episcopus nostrum presentatum in dicta capella instituet Et si contingat quod ego Willelmus vel heredes mei seu assignati negligentes fuerimus vel remissi ita quod infra predictum terminum capellanum ut predictum est non presentaverimus volo et concedo pro me et heredibus meis quod episcopus Sar qui pro tempore fuerit possit ea vice predictam capellaniam capellano idoneo conferre salvo michi et heredibus meis iure presentandi cum eam inposterum vacare contingat Volo etiam et concedo quod dictus capellanus qui pro tempore fuerit unum cereum unius libre cere singulis annis in festo sancti Cyriaci in parochiali seu matrice ecclesia de Lacok in signum devotionis et subiectionis offerat et presentet De fructibus insuper cuiuscumque generis de terris et pratis dicte capelle provenientibus decimam integraliter prestabit eidem matrici ecclesie prout actenus consuevit Et ut hec mea donatio concessio huius presentis scripti confirmatio et warantia firmam inperpetuum habeant stabilitatem presens scriptum sigilli mei inpressione roboravi Hiis testibus venerabili patre in Cristo Roberto de Wichamthone Sar episcopo dominis Waltero Scamel Sar decano Nicholao Lungespeye thesaurario magistris Henrico de Brandeston archidiacono Wiltessir Willelmo de la Wile dominis Galfrido Gocelin Galfrido de Wrokehale Iohanne de Tinhide militibus Ricardo horn Ricardo de Gatest Nicholao Lucas Rogero Croc et aliis