Charter Document - 03408360

H dei gratia rex Angl[orum] et dux Norm[annorum] et Aquit[anorum] et comes And[egavorum] archiepiscopis episcopis abbatibus comitibus baronibus iustic[iis] vicecomitibus et omnibus ballivis et fidelibus suis salutem Sciatis querelam que vertebatur inter abbatem et conventum Sancti Wandreg[isili] et Ieremiam de Ecclesfeld clericum super ecclesia de Ecclesfeld et capellis ad eandem ecclesiam pertinentibus scilicet capella de Seffeld et de Bradefeld et de Wicstan et de laico feodo quod idem abbas habet in Ecclesfeld et in pertinenciis in hunc modum coram me concessione et assensu capituli Sancti Wandreg[isili] inter Gaufridum eiusdem loci abbatem et iamdictum Ieremiam esse terminatam Videlicet quod idem Ieremias clamavit quietum iamdicto abbati et conventui personatum quem se in iamdicta ecclesia et capellis habere asserebat et totum ius hereditarium quod clamabat in laico feodo ipsius abbatis in eadem villa et in pertinenciis Abbas vero assensu conventus sui concessit iamdicto Ieremie perpetuam vicariam eiusdem ecclesie scilicet terciam partem tocius ecclesie et capellarum et omnium ovencionum et rerum et terrarum ad eam pertinencium in liberam et puram et perpetuam elemosinam Concessit eciam ei duas partes ecclesie et capellarum tenendas de eo ad firmam quamdiu vixerit cum toto laico feodo suo eiusdem ville et in pertinenciis in decimis et redditibus et terris et in omnibus locis et rebus ad ea pertinentibus cum omni integritate sua pro xx marcis argenti inde reddendis per annum ad festum sancti Michaelis Quare volo et firmiter precipio quod iamdicta conventio et finis inter eos coram me factus firmiter et inconcusse teneatur Testibus Hugone Dunholm Iohanne Norwic episcopis comite Willelmo Susexie Rann[ulfo] de Glanvill Willelmo de Hum[eto] constab[ulario] Waltero filio Roberti Seherio de Quenci Willelmo marescallo Gaufrido filio Petri Ricardo de Canvilla apud Gaitintoniam