Charter Document - 03408279
| Charter Number: | 03408279 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1276 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presentes littere pervenerint Nicholaus Lungespeye rector ecclesie de Lacok salutem in domino Noveritis me concessisse karissimo amico meo domino Willelmo Bluet quod ipse et heredes sui habeant capellanum suum divina celebrantem in capella sua de Lacham pro animabus antecessorum et successorum suorum et pro animabus omnium fidelium defunctorum ita tamen quod capellanus ipsius domini Willelmi qui pro tempore fuerit rectori matricis ecclesie iuramentum prestabit corporale quod ipse matrici ecclesie in nullo preiudicium faciet oblationes et omnimodas obventiones que eidem capelle quibuscumque diebus et quandocumque obvenient dicte ecclesie matrici restituet fideliter et etiam sine mora Preterea idem capellanus singulis annis ad quatuor festa principalia dum modo dominus et domina vel alter ipsorum ibi non fuerit in dicta matrice ecclesia suam exhibebit presentiam cuius adiutorio maioris misse sollempnia honestius et decentius celebrentur Ceterum in eadem capella ad ecclesiastica sacramenta audienda vel recipienda predicti dominus et domina hac eorum libera familia tantummodo admittatur nisi necessitas incubuerit Volo etiam et concedo pro me quod si episcopus Sarr et superiores et ordinarii mei duxerint ordinanda et providenda maiorem securitatem in cantaria predicte capelle in omnibus stabo eorum ordinationi In cuius rei testimonium tam ego quam predictus Willelmus huic scripto in modum cyrographi confecto alternatim sigilla nostra apposuimus Datum apud Sarr anno domini millesimo ducentesimo septuagesimo sexto