Charter Document - 03391019

Gregorius episcopus servus servorum dei dilectis filiis priori de Donestapl archidiacono de Sancto Albano et decano de Lucton Linc diocesis salutem et apostolicam benedictionem Exhibita nobis dilecti filii abbas et conventus monasterii de Becco peticione monstrarunt quod cum inter ipsos ex una parte et archidiaconum Berk Sarr diocesis ex altera super eo quod idem archidiaconus in ecclesiis de Waneting de Hungerford et de Saudiburn ad dictum monasterium pertinentibus visitaciones procuraciones et cogniciones causarum se proponunt habere ac rebus aliis coram priore de Merton et coniudicibus suis auctoritate apostolica questio verteretur tandem de consensu iudicum eorundem in venerabilem fratrem nostrum Sarr episcopum fuit hinc inde sub certa pena tamquam in arbitrium compromissum qui equitate postposita iniquum arbitrium promulgavit in enormem ipsius monasterii lesionem quare dictus abbas et conventus predicto monasterio subveniri per restitucionis beneficium in integrum postularunt Ideoque discrecioni vestre per apostolica scripta mandamus quatinus vocatis qui fuerint evocandi et auditis hinc inde propositis quod iustum fuerit appellacione postposita statuatis facientes quod statueritis auctoritate nostra firmiter observari Testes autem [] Quod si non omnes [] Datum Perusii id Ianuarii pontificatus nostri anno octavo