Charter Document - 03371145
| Charter Number: | 03371145 |
|---|---|
| Cartulary Title: | Worcester 1186-1218 Volume 34 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1201 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius episcopus servus servorum dei venerabili fratri Wygorn episcopo et dilectis filiis abbati de Bordesl et priori Wygorn salutem et apostolicam benedictionem Oblata nobis dilecti filii W de Fornell clerici rectoris ecclesie de Brimesgrave conquestio patefecit quod E et I et quidam alii de parochianis eiusdem ecclesie decimas de laboribus suis contra iustitiam detinent et dicto W reddere contradicunt Cum igitur decime tributa sint egentium animarum et ecclesiis debeantur discretioni vestre per apostolica scripta mandamus quatinus parachianos prefatos ad iamdictas decimas ecclesie memorate cum integritate debita persolvendas monitione premissa per censuram ecclesiasticam sicut iustum fuerit appellatione postposita compellatis nullis litteris veritati et iustitie preiudicium facientibus sique fuerint a sede apostolica impetrate Quod si omnes hiis exequendis nequiveritis interesse tu frater episcope cum eorum altero ea nichilominus exequaris Datum Lateran xiiii kal Martii pontificatus nostri anno tertio