Charter Document - 03350103

Ave Maria gratia plena Dominus tecum In nomine Patris et Filii et Spiritus Sancti Amen Nos Walterus Norwicensis ecclesie eppiscopus licet indigni omisso cuiuslibet provocationis sive prefationis tenore votum cui desudavimus et propositum quod in mente gessimus et desiderium quod omnem affectum cordis nostri exsuperat presentibus duximus exprimendum ordinandum statuendum et diffiniendum et quod id perpetuis temporibus observetur Fundamus siquidem hospitale quod dicitur beati Egidii in honore sancte Trinitatis gloriose virginis Marie beate Anne et beati Egidii omniumque sanctorum in villa Norwic in fundo nostro et terra nostra ac feudo ecclesie nostre et abutat capud ipsius hospitalis super vicum qui est ex opposito ecclesie sancte Elene sub muro curie prioris et conventus Norwic et se extendit in latitudine usque ad aquam currentem per eandem villam versus aquilonem in longitudine vero se extendit versus pontem episcopi usque ad fossatum quod est inter feudum nostrum et feudum domine Ysabelle de Cressi In hoc hospitali volumus et ordinamus quod perpetuis temporibus sit magister qui curam hospitalis sollicite gerat in remissione peccatorum et habebit secum quatuor capellanos honestos in divino officio instructos qui divinum cultum pariter sectantes primo et principaliter obsequio vacabunt divino Vacabunt siquidem sic omnes in mane et aurora consurgent pulsata maiori campana simul locum dormitorii egredientur et ecclesiam simul intrabunt in suppellitiis et capis clausis matutinas et horas cum cantu et tractu moderato per psallent et missam de die cum cantu statim psallent nec antequam hec compleantes quis eorum per domos vel curiam discurrat nisi magister solus qui ex causa necessaria poterit tunc exire sive iusta exigente comoditate aliis poterit licentiam honeste impendere Tres autem misse in hospitali diebus singulis celebrabuntur una de die alia de beata virgine tertia pro defunctis Una tamen die semper in ebdomada fiat plenum servitium de sancto Egidio tempore quadragesimali excepto vel alias sollempnitas continua hoc impediat Dormiet magister et eius capellani in una domo de uno pane et potu reficientur Post prandium vero magister cum capellanis suis et fratribus post gratiarum actiones non sumpto potu capellam hospitalis pulsata campana maiori ingredientur psalmo dicantes psalmum Miserere mei Deus et dicta oratione in capella cum devota inclinatione poterit magister assumptis secum quos voluerit ad hospites redire non quidem potationis immoderate sive sessionis longioris causa sed hospitum gratia et recreationis debite honestate Simul cubabunt dicto completorio nisi per hospites laborem sive aliam causam honestam oporteat magistrum morari vel alium de suo speciali precepto Hoc siquidem hospitale cum fundo in quo situm est cum omnibus suis pertinentiis perpetue damus libertati et omnia que in clauso sunt ipsius hospitalis eidem hospitali magistro et fratribus eiusdem domus ad eorum et pauperum sustentationem in puram liberam et perpetuam damus et concedimus elemosinam absque omni seculari servitio exactione secta curie et demanda quacumque salvis nobis et successoribus nostris iure patronatus eiusdem hospitalis et in spiritualibus omnium ibidem commorantium correctione et reformatione In hoc hospitali sic fundato reficientur singulis diebus per annum in ipsa domo hospitalis ad ignem in yeme ante caminum hospitalis tresdecim pauperes et habebunt panem sufficientem et bonum et ferculum carnis vel piscis et quandocumque ovorum et casei et potum competenter Septem pauperes scolares dociles eligendi in fide ipsius magistri de scolis Norwic de fideli consilio magistri scolarium singulis diebus dum scole durant unum habebunt ibidem pastum et nutribuntur isti cum in gramatica fuerint convenienter edocti et alii assumentur secundum modum antedictum Et sic fiat perpetuis temporibus in hoc hospitali Erunt siquidem in predicto hospitali triginta lecti vel plures secundum facultatem domus ubi pauperes infirmi volentes ibi decubare recipientur in culcitris lintea mentibus cooperto riis et donec restituti fuerint sanitati honeste et congrue procurabuntur unusquisque iuxta suam infirmitatem mutabunturque eorum supellectilia quotiens opus fuerit Tres siquidem vel quatuor ad minus erunt in domo sorores mulieres quidem honeste et vite per annos plurimos approbate quinquaginta annos vel parum minus habentes et iste infirmorum et aliorum de cubantium curam gerent et sollicitudinem Nec erunt ibi plures mulieres sed omnia fiant per homines in bracino et omnibus aliis officinis In isto hospitali omnes pauperes capellani Norwicensis diocesis qui senio confracti vel continuo morbo sic laborantes quod divina celebrare non valeant nec alias habeant unde sustententur quoad vixerint recipientur et iuxta facultates domus in ipso hospitali in loco honesto morabuntur et decubant et victualia congrue habebunt Hoc hospitale archa erit Domini de qua pauperes transeuntes singulis diebus iuxta facultates domus elemosinas recipient A die vero Annunciationis beate Marie usque ad Assumptionem eiusdem virginis gloriose qualibet die sabbati communi hora diei pulsata ante maiori campana omnibus venientibus panis fiat distributio Et erit panis quantitas ut egeriorum famem possit depellere illa vice Hoc siquidem hospitale propria erit domus Dei et episcoporum Norwicensium ecclesie et quotienscumque episcopus transiens per ipsam descenderit et infirmis decubantibus in eodem hospitali et commorantibus ibidem benedictionem largitus fuerit tresdecim pauperes pro ipso et salute omnium vivorum et defunctorum in ipso hospitali pascentur et in crastino pro eodem missa de sancto spiritu celebrabitur Ad ministerium huius hospitalis quatuor in domo erunt fratres laici qui secundum voluntatem et preceptum magistri hiis qui intra et foris sunt vacabunt Omnes quotquot sunt in domo fratres sorores sacerdotes et clerici districtioni et cohercioni magistri subiacebunt et qualibet die dominica capitulum tenebit magister et alias quotiens opus fuerit et singulorum delicta et excessus corriget et delinquentes puniet iuxta delicti qualitatem In ieiuniis et cibariis ac refectionibus modum illorum servabunt qui servant regulam beati Augustini habitum tamen eorum non habebunt In capella tamen magister et sacerdotes subpelliciis et capis nigris et rotundis in divino obsequio utentur Singuli siquidem panno honesto et colore non prohibito vestientur Magister redditus quoscumque in seculo habere poterit et retinere sed postquam fuerit factus magister que adquisierit ipsius erunt hospitalis et hoc se facturum et curaturum corporali prestito sacramento promittet Fratres et sorores nullum habebunt proprium continentiam vovebunt et bonum obedientie promittent Fratres albis tunicis et grisis scapulariis vestientur sorores albis tunicis grisis mantelis et nigris velis et in omnibus de domo per manum et distributionem magistri necessaria recipient Magister siquidem domus sacerdotes fratres et sorores in villa non comedent neque bibent nisi in domibus religiosorum Sorores per se comedent et decubabunt nec aliquis domum earum ingrediatur nis causa necessaria obtenta prius licentia a magistro domus memorate Decedente vero vel recedente domino Hamone de Caletorp nunc magistro eiusdem hospitalis ac in posterum quandocumque vacante dum vacat hospitale domus sub cura erit episcopi et uni de discretioribus capellanis domus custodiam committet nec de bonis ipsius hospitalis episcopus aliquid in ipsa vacatione recipiet sed omnia ad opus ipsius hospitalis et pauperum Cristi conservabuntur Vacatio autem domus corpore magistri tradito sepulture priori Norwicensi per duos fratres nuntiabitur et ipse prior archidiaconos Norwic et Norf vocabit ut certo die apud Norwicum in ipso hospitali secum conveniant de magistri in ipso hospitali creatione secundum Deum tractaturi Et continebit hec vacatio spatium trium septimanarum et isti tres simul congregati Deum habentes pre oculis facta inquisitione per fratres ipsius domus iuratos super idoneitate capellanorum ibidem commorantium in personam intus vel extra secundum suam conscientiam idoneam et congruam ad regimen domus eiusdem convenient et consentient et ipsum per litteras suas patentes episcopo vel eius officiali si extra regnum fuerit presentabunt qui eundem absque difficultate admittet et statim postquam fuerit admissus residentiam iurabit et quod bona hospitalis in debito statu conservabit et presentem ordinationem observabit Quod si dicti archidiaconi non convenerint ad diem assignatum expectabuntur per duos dies quod si nec tunc venerint prior Norwic absque ulteriori dilatione associatis sibi officiali consistorii Norwic et decano Norwic procedet in negotio memorato illa vice sicut procedere deberet cum duobus archidiaconis Et si contingat archidiaconatum illo tempore vacare unum de supradictis quem voluerit sibi associabit prior memoratus et eundem modum observabunt archidiaconi si prior convenire noluerit cum eisdem vel tunc temporis prioratum vacare contigerit Quod si infra quinque septimanas postquam traditum fuerit corpus sepulture persone supradicte in personam certam ut premittitur non consenserunt episcopus illa vice de persona idonea secundum formam prenominatam hospitali provideat memorato hoc semper observato quod quicumque preficiatur sit sacerdos et iuret residentiam Poterit tamen si beneficium habeat proprium ecclesiasticum ibidem divertere sed ultra octo dies morari nulla vice debebit Magister hospitalis nullum secum habebit equitantem nisi fuerit unus de capellanis vel fratribus seu clericis eiusdem domus Nec erunt in domo scutiferi vel pueri lascivi Magister duobus vel tribus equitaturis maneat contentus Nulla mulier admittetur ad perendinandum ibidem et quotiens admittatur ipsorum capella sit a divinis suspensa Commune sigillum domus sub duabus clavibus erit magistri scilicet et fratris senioris Omnibus autem hanc ordinationem nostram observantibus et ad eius observationem laborantibus Dei omnipotentis largimur benedictionem et singulis annis perpetuo in festo beati Egidii quadraginta dies misericorditer relaxamus Omnes autem illos qui ad huius nostre ordinationis subversionem laborabunt sive procurabunt vel fraudem in hac parte fuerint machinati auctoritate Dei patris et filii et spiritus sancti excommunicamus Et ne in posterum pro defectu necessariorum hec pia nostra provisio valeat impediri omnes supradictas possessiones bona et redditus cum aliis omnibus que in presenti possident vel futuris temporibus poterunt adipisci necnon et terram de Hayle cum omnibus suis pertinentiis prefato hospitali magistro et fratribus ad sustentationem pauperum concedimus et presenti carta confirmamus Insuper ecclesias de Calethorp de Costeseya de Cringelford de Hardele sancte Marie de Walsam et de Senges in proprios usus concedimus appropriamus et confirmamus eisdem salvis dilectis filiis priori et conventui Norwic decem marcis de ecclesia de Senges cum vacaverit annuatim in duabus synodis Norwic per manum dicti magistri percipiendis Insuper concedimus eisdem quod ecclesias sancte Marie de Walsam et de Senges cum vacaverint licite ingredi valeant et retinere presentis concessionis et confirmationis auctoritate In hoc siquidem hospitali nec magister nec aliquis capellanorum erit negotiator nec turpi lucro dabit intentionem Insuper concedimus prefatis magistro et fratribus in sua capella quam dedicavimus et aliis suis oratoriis perpetuam et liberam cantariam et liberam sepulturam ad opus ipsorum et omnium decedentium ibidem necnon volentium ibidem sepeliri salvo iure parochialium ecclesiarum Et ut omnia supradicta imperpetuum firma sint et cum stabilitate roborata presenti scripto sigillum nostrum unacum sigillo capituli nostri de cuius consensu omnia supradicta concedimus damus ordinamus et confirmamus fecimus apponi Actum in capitulo Norwic presentibus Simone priore eiusdem domus et conventu memorato