Charter Document - 03340130
| Charter Number: | 03340130 |
|---|---|
| Cartulary Title: | Ely 1109-1197 Volume 31 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1191 |
| Date type: | Assigned |
| Resource Link(s): |
Reference Document for this Embedded Document |
Charter:
Willelmus Dei gratia Elyensis episcopus apostolice sedis legatus et domini regis cancellarius universis sancte matris ecclesie filiis salutem Ad universitatis vestre volumus pervenire notitiam nos caritatis intuitu dedisse et concessisse domui hospitum Elyensis ecclesie cui nimis parva et insufficiens ante tempora nostra redituum portio fuerit assignata x libras argenti de ecclesia de Melree post decessum persone presentis videlicet Iohannis de Abbatia Ipse autem frater qui hospitum suscipiendorum amministrationem gerit eosdem denarios in hospitum sustentatione et utensilium et aliarum rerum necessariarum provisione fideliter et discrete expendat Qui denarii suscipiendi sunt a vicario ipsius ecclesie per iiii terminos usuales ut scilicet l solidi ad quemlibet terminum predicte domui hospitum persolvantur Et ut hec concessio nostra perpetuum firmitatis robur optineat eam sigilli nostri appositione roboramus Testibus Ric[ardo] Barre Elyensi archidiacono magistro Michaele de Novo Burgo magistro Petro de Mehduil Osberto de Longo Campo Roberto de Insula Waltero de Ely