Charter Document - 03331204

Nicholaus episcopus servus servorum Dei venerabili fratri [] Karleol episcopo salutem et apostolicam benedictionem Volentes venerabilis fratris nostri I archiepiscopi Ebor honorare personam et per honorem ei exhibitum aliis gratiam facere specialem fraternitati tue per apostolica scripta mandamus quod quatuor clericis eiusdem archiepiscopi quos ipse duxerit nominandos dum modo sint ydonei scientia moribus et etate de totidem beneficiis ecclesiasticis consuetis secularibus clericis assignari singulis eorum videlicet de singulis beneficiis nullis aliis de iure debitis etiam si curam habeant animarum ad quorumcumque religiosorum non tamen exemptorum collationem vel presentationem spectantibus si in diocesi Ebor vacant adpresens vel quamprimum ad id optulerit se facultas auctoritate nostra per te vel per alium aut alios providere procures inducens ipsos in illorum corporalem possessionem et defendens inductos non obstante si aliqui super provisione sibi facienda de beneficiis ecclesiasticis in eadem diocesi a sede apostolica literas impetrarunt quibus per hoc nullum volumus preiudicium gravari aut si est aliquibus ab eadem sede indultum quod ad provisionem alicuius minime teneantur et ad id compelli sive quod interdici suspendi vel excommunicari non possint aut quod de beneficiis ad collationem vel presentationem [suam] spectantibus nulli valeat provideri per literas apostolicas que de induito huius plenam et expressam non fecerint mentionem sive qualibet alia prefate sedis indulgentia generali vel speciali cuiuscumque tenoris existat per quam presentibus non expressam vel totaliter non insertam effectus huius gratie impediri valeat vel differri et de qua in nostris literis fieri debeat mentio specialis contradictores per censuram ecclesiasticam appellatione postposita compescendo ita tamen quod iidem clerici prout beneficiorum huius onus requiret ad ordines se faciant statutis temporibus promoveri et personaliter resideant in eisdem Dat apud Urbem Veterem vi nonas Martii pontificatus nostri anno primo