Charter Document - 03320136

Universis sancte matris ecclesie filiis presentes litteras inspecturis Robertus permissione divina Dunelmensis episcopus eternam in domino salutem Cum dilecti filii prior et conventus ecclesie nostre Dunelmensis ex parte una et magister Robertus de Sancta Agatha archidiaconus Dunelmensis ex altera super iurisdictione et iure archidiaconali in ecclesiis et capellis quam dicti prior et conventus optinent infra dioecesim Dunelmensis coram officiali nostro aliquamdiu litigassetne demum die partibus ad audiendum sententiam prefixo dictus dominus archidiaconus coram nobis in iudicio presente altera parte personaliter constitutus confessus est in iure priorem Dunelmensis archidiaconos esse omnium ecclesiarum suarum per episcopatum Dunelmensis ipsosque priores tanquam archidiaconos in ecclesiis suis officium et iura archidiaconalia pacifice possedisse et aliquamdiu exercuisse necnon et predecessores suos archidiaconos Dunelmensis et se vice et nomine dictorum priorum Dunelmensis exercitium iusrisdictionis archidiaconalia in ecclesiis dictorum religiosorum habuisse pro annua pensione ab ipsis archidiaconis dictis prioribus de perquisitis dicte iurisdictionis annuatim solvenda prout in quodam scripto autentico per dictum dominum archidiaconum in iudicio coram nobis exhibito inspeximus contineri Nos igitur auditis et intellectis ipsius cause meritis attendentes ipsum de iure possidere cuius nomine possidetur dictumque archidiaconum et suos predecessores in solutione dicte annue pensionis defecisse et pacta continente non servasse rimato coram nobis ipsius cause processu iure ordine in omnibus observato pro iure usu et possessione dictorum religiosorum et pro eorum intentione legitime fundata necnon et ipsos religiosos a prestatione duarum marcarum dictis archidiaconis nomine procurationum et synodalium solvenda ut pote super hoc specialiter exemptos et in forma iuris petita in integram restitutionem et optenta absolutos et perpetuo quietos iudicialiter pronuntiamus decernentes de ipsarum partium expresse consensu et condicto quod si in solutione dicte partis medietatis pecunie quam dicti religiosi nomine annue prestationis et pensionis pro dicta iurisdictione debent percipere cessatum per triennium continuum fuerit legitimo impedimento cessante ex tunc exercitium dicte iurisdictionis in ecclesiis et capellis dictorum religiosorum sit ipsis archidiaconis et eorum officialibus ipso iure et ipso facto penitus interdictum Et prior Dunelmensis ipsam iurisdictionem in ecclesiis suis et capellis idem eorum privilegia et libere et integre ordinatione seu compositione quibus super hoc prius habita non obstante valeant exercere donec super arreragia dicte annue prestationis dampnis interesse et expensis dictis religiosis si ad ea recuperanda agere voluerint plenaria fuerit satisfactum Acta sunt premissa in capella manerii nostri de Aucklande xvi kalendas Martii anno domini MCC septuagesimo primo In cuius rei testimonium sigillum nostrum presentibus est appensum