Charter Document - 03262298
| Charter Number: | 03262298 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1204 |
| Date type: | Assigned |
| Resource Link(s): |
Reference Document for this Embedded Document |
Charter:
Seffridus dei gratia Cic episcopus secundus universis Cristi fidelibus eternam in domino salutem Noverit universitas vestra quod cum Hugo Sturmi concessione Seffridi thesaurarii et assensu capituli Cic capellam de Ichenor liberam et absolutam ab omni exactione ipsius Seffridus thesaurarii reddendo singulis annis v solidos obtinuisset quod auctoritate Iohannis bone memorie predecessoris nostri episcopi et assensu capituli nostri et concessione Willelmi tunc canonici prebende de Wihtring ad eundem redditum salva reliqua libertate sua prius tenebatur desiderans idem Hugo memoratam capellam in matricem ecclesiam consecrari in presentia nostra et totius capituli Cic pretaxato Seffridus thesaurario firmiter promisit quod dimidia marca argenti annuatim reddetur in Circumcisione domini sepe dicto thesaurario vel eius successori canonico prebende eiusdem per manum persone in ecclesia de Ichenore institute sub hoc tenore quod sepe dicta capella fiet matrix ecclesia et cimiterium suum habebit Et ipse Hugo et heredes sui liberum ius presentandi episcopo Cic habebunt quamcumque personam voluerint ad ipsam ecclesiam dum tamen ydonea fuerit Ipse vero qui in eadem ecclesia instituetur persona sepe dicto Seffredi thesaurario vel eius successori canonico illius prebende prestito iuramento securitatem faciet quod termino statuto iam dictum redditum integre et sine dolo persolvet Quod si occasione aliqua a predicte pensionis solutione cessare voluerit sepe dictus thesaurarius vel qui prebendam illam possidebit plenam potestatem habebit ipsum ad solutionem predicte pensionis per suspencionem officii et beneficii compellendi neque aliam cohertionem predicte persone imponet neque aliud ius in prescripta ecclesia sibi vendicabit Personam etiam ecclesie de Ichenore canonicam obedientiam episcopo iurabit et officialibus suis et eadem ecclesia eidem episcopo super iure episcopali quod eam contingit respondebit sicut alie libere matrices ecclesie in episcopatu suo Ut autem hec conventio rata et inconcussa permaneat presentis eam scripti auctoritate confirmavimus Hiis testibus magistro Roberto de Bosham Willelmo capellano Magero clerico Ricardo clerico Rogero de Chein Iordano de Memil Thoma de Argent Radulfo filio Petri Ricardo de Pageham et multis aliis