Charter Document - 03262278
| Charter Number: | 03262278 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quorum audienciam presentes littere pervenerint frater Adam prior canonicorum ecclesie sancte Trinitatis de Hasting et eiusdem loci conventus de Hasting salutem in domino Noverit universitas vestra quod nos de omni iure quod habemus vel habere possimus in ecclesia beate Margarete de Hasting ex dono Ricardi Vincentii de Hasting patroni eiusdem ecclesie pro nobis et successoribus nostris voluntati dictioni et ordinacioni venerabilis patris domini Stephanus dei gratia Cyc episcopi pure et absolute submittimus ratificantes quicquid dictus dominus episcopus de iure quod habemus in dicta ecclesia pro nobis et successoribus nostris duxerit ordinandum seu statuendum In cuius rei testimonium huic scripto sigillum nostrum commune apposuimus Datum apud Hasting die mercurii proxima post festum sancti Marci evangeliste et anno domini MCCLXX octavo