Charter Document - 03241137

Notum sit omnibus tam presentibus quam futuris quod cum inter dominum Robertum abbatem sancti Benedicti de Hulmo et eiusdem loci conventum ex una parte et Isabellam filiam Roberti de Castre ex altera questio verteretur super duabus partibus decimarum garbarum de dominico predicte Isabelle in Castre quas iidem abbas et conventus ad se de iure spectare dicebant dicta vero Isabella ad ipsam et ad heredes suos decimarum earundem advocationem in contrarium asseruit pertinere salvis tantummodo predictis abbati et conventui decem solidis annuis de eisdem Tandem inter partes ipsas amicabiliter convenit in hunc modum videlicet quod predicti abbas et conventus remiserunt inperpetuum predicte Isabelle et heredibus suis totum ius et clamium quod habuerunt vel habere potuerunt in decimis antedictis dicta vero Isabella pro prefata remissione et quieta clamantia concessit sepedictis abbati et conventui pro se et heredibus suis viginti solidos sterlingorum solvendos eis annuatim inperpetuum in festo annuntiationis beate Marie apud sanctum Benedictum de Hulmo Et pro hiis bona fide servandis et fideliter adimplendis utraque pars se submisit iurisdictioni venerabilis patris episcopi Norwicensis qui pro tempore fuerit vel eius officialis ut liceat ei partem contra premissa venientem ad predicta plenarie servanda modis quibus melius viderit expedire cohercere nulla sibi appellatione impetratione exceptione seu cavillatione aliquatenus incontrarium valitura Et ne partes contra formam istam venire possint inposterum factum est inter eos hoc scriptum in modum cyrographi ita quod utraque pars alterius parti sigillum suum apposuit Hiis testibus Henrico filio Katerine de Cattefeud Iohanne de Ludham Hermero de Cattefud [] Act apud sanctum Benedictum de Hulmo decimo kalendas Iunii anno domini millesimo ducentesimo quadragesimo tertio