Charter Document - 03221330
Charter Number: | 03221330 |
---|---|
Cartulary Title: | Salisbury 1217-1228 Volume 19 |
Charter Language: | Latin |
Charter Origin: | Religious |
Charter Type(s): | Letter |
Date: | 1225 |
Date type: | Assigned |
Resource Link(s): |
Reference Document for this Embedded Document Embedded Document |
Charter:
Reverendo domino et patri in Cristo R dei gratia Sar episcopo devotissimus suus H dictus prior Ferling et eiusdem loci conventus salutem et tam promptam quam debitam cum obediencia reverenciam Committimus unanimi assensu et voluntate ordinacioni vestre ecclesias de Boxa et de Wiveleford que ad nostram spectant advocacionem paternitati vestre attencius supplicantes quatinus intuitu dei de predictis ecclesiis ita ordinaxe velitis quod ordinacio vestra vobis proficiat ad salutem Ratum et gratum habebimus quicquid super premissis vestra duxerit ordinare paternitas In cuius rei testimonium presenti scripto sigillum nostrum apposuimus Recepimus etiam literas nobilis viri Hunfredi comitis Herfordie super eisdem ecclesiis in hec verba [] Nos igitur considerantes paupertatem domus de Ferling ad cuius sustentacionem proprie non sufficiunt facultates attendentes etiam hospitalitatem quam eiusdem domus monachi in omnes transeuntes ultra vires liberaliter exercent precibus insuper et voluntati dicti comitis super ordinacione dictarum ecclesiarum inclinati sic ordinavimus Quod prior et monachi de Ferling in usus proprios in perpetuum nomine perpetui beneficii retineant omnes decimas garbarum cum curia persone et terra ecclesie de parochia ecclesie de Hoxe salva in eadem ecclesia vicaria perpetua ad quam dicti prior et conventus vicarium cum vacaverit presentabunt qui nomine vicarie percipiet omnes obvenciones altaris et cimiterii et omnes minutas decimas et decimas feni et molendinorum et curtilagiorum et preterea singulis annis per manus monachorum de Ferling quinque quarteria frumenti et quinque quarteria de ordeo et tria de mextilon et duo de avena qui vicarius omnia onera ordinaria sustinebit preter procuracionem archidiaconi quam facient monachi qui etiam invenient aream dicto vicario competentem et honestam in qua possit edificare oneribus extraordinariis inter monachos et vicarium pro rata parciendis Ordinavimus etiam de ecclesia de Wiveleford in hunc modum Videlicet quod habita consideracione ad insufficienciam domus hospitalis Sar ad sustentacionem unius capellani futuris et perpetuis temporibus divina celebraturi in capella hospitalis eiusdem pro salute anime nostre et pro animabus predecessorum nostrorum et successorum et pro animabus nobilis viri Willelmi Longespeie comitis Sar et Ele comitisse Sar necnon et canonicorum Sar et ad refocillacionem pauperum et transeuncium ad eandem domum declinancium assignavimus omnes decimas garbarum in campis de parochia de Wiveleford salvis vicario perpetuo singulis annis tribus quarteriis de frumento duobus de ordeo duobus de avena uno de syligine percipiendis per liberacionem procuratoris eiusdem domus qui episcopo Sar futuris et perpetuis temporibus presentabit vicarium in cuius usus cedent omnes obvenciones altaris et cimiterii et omnes decime preter decimas garbarum qui etiam vicarius onera sustinebit ordinaria et procuracionem archidiaconi faciet oneribus extraordinariis inter vicarium et domum hospitalis pro rata parciendis
Markups
Names Markup:
Reverendo domino et patri in Cristo R dei gratia Sar episcopo devotissimus suus H dictus prior Ferling et eiusdem loci conventus salutem et tam promptam quam debitam cum obediencia reverenciam Committimus unanimi assensu et voluntate ordinacioni vestre ecclesias de Boxa et de Wiveleford que ad nostram spectant advocacionem paternitati vestre attencius supplicantes quatinus intuitu dei de predictis ecclesiis ita ordinaxe velitis quod ordinacio vestra vobis proficiat ad salutem Ratum et gratum habebimus quicquid super premissis vestra duxerit ordinare paternitas In cuius rei testimonium presenti scripto sigillum nostrum apposuimus Recepimus etiam literas nobilis viri Hunfredi comitis Herfordie super eisdem ecclesiis in hec verba []embed Nos igitur considerantes paupertatem domus de Ferling ad cuius sustentacionem proprie non sufficiunt facultates attendentes etiam hospitalitatem quam eiusdem domus monachi in omnes transeuntes ultra vires liberaliter exercent precibus insuper et voluntati dicti comitis super ordinacione dictarum ecclesiarum inclinati sic ordinavimus Quod prior et monachi de Ferling in usus proprios in perpetuum nomine perpetui beneficii retineant omnes decimas garbarum cum curia persone et terra ecclesie de parochia ecclesie de Hoxe salva in eadem ecclesia vicaria perpetua ad quam dicti prior et conventus vicarium cum vacaverit presentabunt qui nomine vicarie percipiet omnes obvenciones altaris et cimiterii et omnes minutas decimas et decimas feni et molendinorum et curtilagiorum et preterea singulis annis per manus monachorum de Ferling quinque quarteria frumenti et quinque quarteria de ordeo et tria de mextilon et duo de avena qui vicarius omnia onera ordinaria sustinebit preter procuracionem archidiaconi quam facient monachi qui etiam invenient aream dicto vicario competentem et honestam in qua possit edificare oneribus extraordinariis inter monachos et vicarium pro rata parciendis Ordinavimus etiam de ecclesia de Wiveleford in hunc modum Videlicet quod habita consideracione ad insufficienciam domus hospitalis Sar ad sustentacionem unius capellani futuris et perpetuis temporibus divina celebraturi in capella hospitalis eiusdem pro salute anime nostre et pro animabus predecessorum nostrorum et successorum et pro animabus nobilis viri Willelmi Longespeie comitis Sar et Ele comitisse Sar necnon et canonicorum Sar et ad refocillacionem pauperum et transeuncium ad eandem domum declinancium assignavimus omnes decimas garbarum in campis de parochia de Wiveleford salvis vicario perpetuo singulis annis tribus quarteriis de frumento duobus de ordeo duobus de avena uno de syligine percipiendis per liberacionem procuratoris eiusdem domus qui episcopo Sar futuris et perpetuis temporibus presentabit vicarium in cuius usus cedent omnes obvenciones altaris et cimiterii et omnes decime preter decimas garbarum qui etiam vicarius onera sustinebit ordinaria et procuracionem archidiaconi faciet oneribus extraordinariis inter vicarium et domum hospitalis pro rata parciendis