Charter Document - 03210191
| Charter Number: | 03210191 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 |
| Date type: | Internal, Calendar, Episcopal |
| Resource Link(s): |
Reference Document for this Embedded Document British Library - Cotton MS Claudius C IX (f184r) |
Charter:
Omnibus Cristi fidelibus ad quos presens scriptum pervenerit Herbertus dei gratia Sar episcopus salutem in domino Attendentes quam fructuosum et salutiferum sit oppressis subvenire et longa debilitatis invalitudine beneficium sustentationis pro favore submittere illis vero precipue quos in habitu religionis constat devotum deo famulatum impendisse infirmarie monasterii Abendon ad infirmorum et debilium in ea degentium victum et sustentationem centum solidos sterlingorum de ecclesia de Boxore singulis annis solvendorum concedimus et auctoritate pontificali confirmamus statuentes ut eadem infirmaria et fratres debiles et infirmi in ea degentes prefatos centum solidos per manus Lisiardi persone eiusdem ecclesie et successorum eius in ecclesia de Boxor canonice instituendorum singulis annis sine diminutione aliqua percipiant salvis tamen in omnibus iure auctoritate et dignitate ecclesie nostre et nostra et successorum nostrorum Dat apud Suthwyc per manum Willelmi de Wyntone quarto idus Decembris pontificatus nostri anno quinto Hiis testibus magistro Ricardo Grossetest Thoma et Hugone de Gah[erst] Ricardo Bartholomeo Abraham capellanis Iohanne de Wynton magistro Ricardo de Wdel Willelmo de Cesar Burg Rogero de Hampt[on] clericis Willelmo de Capella et multis aliis