Charter Document - 03210165

Universis sancte matris ecclesie filiis presentibus et futuris ad quos presens scriptum pervenerit Hubertus dei gratia Saresburiensis episcopus eternam in domino salutem Iustis postulationibus et utilitati eorum qui divinis sunt mancipati obsequiis non solum prelati ecclesiarum verum etiam ceteri quique fideles aurem debent accomodare benignam et quod eis expediens fuerit effectui mancipare maturius ne dilatione que per sepe parit periculum iuste postulationes effectu careant et fructu quem consequi de ratione deberent in dispendium et detrimentum obsequiorum divinorum frustrentur Ea propter dilectorum filiorum nostrorum canonicorum de Bradenestoke religionem et religionis honestatem attendentes quascumque possessiones quecumque bona idem canonici in presentiarum iuste et canonice in episcopatu Saresburiensi possident aut in futurum concessione pontificum largitione regum vel principum oblatione fidelium seu aliis iustis modis prestante domino poterunt adipisci firma et illibata successoribusque suis pietatis intuitu esse concedimus et episcopali auctoritate qua fungimur confirmamus Inter que hec propriis duximus exprimenda vocabulis ex dono Walteri de Saresburia totam villam de Bradenestok et quicquid ad illam pertinet cum ecclesia eiusdem ville et unam hidam terre in Hechelameton et quicquid ad eam pertinet et capellam de Lake cum omnibus pertinentiis suis ex dono comitis Patricii totam villam de Wylcote et quicquid ad eam pertinet et ecclesiam eiusdem ville cum omnibus pertinentiis suis et salinam quandam in Kaneford que est apud Waudeflet cum omnibus pertinentiis suis ex dono comitis Willelmi de Saresburia ecclesiam de Caneford cum omnibus pertinentiis suis et capellam sancti Andree de Cettra ex dono Alexandri de Segreia ecclesiam de Segreia cum omnibus pertinentiis suis ex dono Willelmi de Litelcote terram illam de Dene que adiacet vicinius et competentius terre de Bradenestok ex dono Roberti Dewias dimidiam marcam redditus in Hornyngesham ex dono Willelmi Malcuvenant unam virgata terre ex dono Ricardi Cotel unam virgata terre in villa de Lake ex dono Rogeri filii Gaufridi unam hidam terre apud Costowam et quicquid ad eam pertinet ex dono Stephani de Langeforde dimidiam hidam terre apud Cettram cum omnibus pertinentiis suis et unam virgata terre in villa de Langeforde et quicquid ad eam pertinet et in Wylton tres solidatas terre ex dono Nigelli de Mordun unam virgata terre in villa de Heydon ex dono Ade filii Willelmi unam hidam terre in Bluntesdon ex dono Iohannis Marescalli duodecim libratas terre in Eston ex dono Margarete comitisse Britannie unam marcatam terre in villa de Wyvelesford ex dono Nicholai de Hispania tres virgatas terre in Wynterbourne super montes ex dono Reomundi unam virgata terre in Wynterborn Concedimus etiam et confirmamus memoratis canonicis ut omnes fructus ecclesie de Lynham et ecclesie de Wylcote cum omnibus pertinentiis suis habeant et possideant et eos cum omnibus obventionibus ipsarum in proprios usus convertant salvo rationabili sustentamento vicariorum qui in ipsis ministrabunt et salvis in omnibus episcopalibus consuetudinibus Ut igitur hec nostra confirmatio perpetuam optineat stabilitatem presentis pagine inscriptione et sigilli nostri appositione eam corroboravimus et communimus Hiis testibus fratre Alano priore domus hospitalis Ierosol in Anglia magistro Simone de Scalis Ranulfo thesaurario Saresburiensi et aliis