Charter Document - 03210157
| Charter Number: | 03210157 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
Reference Document for this Embedded Document British Library - Cotton MS Claudius C IX (f184r) |
Charter:
Universis sancte matris ecclesie filiis tam presentibus quam futuris ad quos presens scriptum pervenerit Hubertus dei gratia Sar episcopus eternam in domino salutem Ex nostre sollicitudinis officio paci et quieti virorum religiosorum tenemur attentius providere et ne malignitas adversantium super beneficiis ipsis ex donatione fidelium in subsidium religionis collatis possit futuris temporibus pacem eorum perturbare protectionis et confirmationis nostre beneficium eis indulgere Hinc est quod nos honestatem et religionem dilectorum filiorum nostrorum abbatis et monachorum Abendon attendentes pensiones et decimas quas vel de novo vel multis temporibus in nostra diocesi canonice adepti sunt vel iuste et pacifice possederunt eisdem fratribus concedimus et auctoritate qua fungimur quiete et libere possidendas confirmamus quas propriis vocabulis duximus exprimendas In ecclesia videlicet de Chyveleia et pertinentiis suis quinque marcas et dimidiam in ecclesia sancte Helene de Abendon quinque marcas in capella sancti Nicholai de Abendon quatuordecim solidos in ecclesia de Cumenora decem solidos in ecclesia de Wrtha duodecim solidos in ecclesia de Offinton tres marcas in capella de Wycham centum libras cere in ecclesia de Boxore unum tonellum vini ad missas vel viginti solidos in ecclesia de Winechefeld unam marcam in ecclesia de Sutton unam marcam in ecclesia de Wytham unam marcam in capella de Middelton sex denarios in capella de Legha duos solidos in capella de Tubeneia duos solidos de ecclesia de Kyngeston duos solidos et octo denarios Decimas quoque quas habent tam in villis suis propriis quam in aliis in villis propriis scilicet in Comenora in Berton in Schepene in Mercham in Wrtha in Offinton in Lagyng in Femberge in Weston in Milton et earum pertinentiis in aliis villis scilicet in Fegha in Eton in Apelton in Esthenreda in Hordewell in Westl aging in Beterinton in Wydehay in Hyldesle in Wanetyng in Chylton in Sutton Ut autem hec nostra concessio firma et stabilis perseveret eam presenti scripto nostro confirmamus et sigilli nostri appositione communimus Hiis testibus Wimundo subdecano Sar Rannulfo thesaurario Sar magistro Simone de Seal magistro Alexandro de Hosa Waltero capellano nostro Simone clerico magistro Fulcherio magistro Ada de Walsingeham Thoma de Stokingeberi [magistro] Willelmo de Bech Roberto de Rudeby Gregorio Alano camerario nostro Wigano et Iohanne clericis et multis aliis