Charter Document - 03210092
| Charter Number: | 03210092 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1155 - 1177 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Iocelinus dei gratia Sar episcopus salutem in domino Universitatem vestram scire volumus quod cum ad capellam leprosarum mulierum de Bradeleia dedicandam descenderemus ne quid in iniuriam vel detrimentum matricis ecclesie de Bradel[eia] per nos ageretur priusquam capellam illam dedicaremus seu leprosas ipsas ad locum illum reciperemus Humfridus de Bradel[eia] tunc senescallus Manserii Biseth domini eiusdem ville et alii liberi homines de Bradele ex parte Manserii Biset qui villam memoratam leprosis contulit et etiam ex parte leprosarum in presentia nostra iuraverunt quod ecclesia omnium sanctorum de Bradel[eia] in nullis que prius habuerat aut in posterum habere deberet sive de assartis sive de aliis novalibus aut obventionibus ad illam spectantibus per antedictam capellam vel leprosas aut illarum procuratores dampnum aliquod sive diminutionem pateretur Quod ne in posterum possit deduci in dubium presenti scripto sigillo nostro roborato testificamur