Charter Document - 03169140

Videlicet quod dicti abbas et conventus omnes decimas garbarum et feni de Brichlemton et omnes decimas garbarum et feni de Besford quas dictus vicarius ecclesie sancti Andree de Persor percipere consuevit in perpetuum percipiant una cum aliis decimis garbarum et feni dictarum villarum de Brichlemton et de Besford et omnibus aliis decimis quas ab antiquo dicti abbas et conventus de Persor in dicta parochia sancti Andree de Persor percipiunt et percipere consueverunt Omnes vero alias decimas et proventus parochie memorate dictus vicarius et eiusdem successores integerrime percipiant exceptis omnibus decimis quas dicti abbas et conventus de Persor per presentem ordinationem optinuerunt et omnibus aliis decimis quas ab antiquo percipere consueverunt in dicta parochia sancti Andree de Persor Ordinavimus etiam de consensu et voluntate omnium supradictorum quod cum ecclesiam sancti Andree iam dictam inposterum vacare contigerit quod dicti abbas et conventus presentent ad eandem tamquam ad vicariam ydoneum capellanum qui in eadem residenciam facere voluerit vel clericum ydoneum qui in brevi possit et velit ordinari in presbiterum ad eandem vicariam de quo verisimilem videatur quod in eadem residentiam facere velit personalem alioquin ea vice iure presentandi ad eandem ipso facto sint privati Et liceat nobis et successoribus nostris eandem cui secundum deum viderimus tamen ea vice conferre Si vero contingat personam presentatum ab eis ex causa predicta non admissum nos vel successores nostros pape hoc ad iudicium evocari et sic laboribus et expensis fatigari quod absit liceat nobis vel successoribus nostris dictas decimas de Brichlemton et de Besseford dictis abbati et conventui per presentem ordinationem collatas integre percipere et in utilitatem nostram convertere quousque lis inter nos vel successores nostros et dictum presentatum ventilata iudicio vel concordia sopiatur et ex tunc dicti abbas et conventus dictas decimas absque omni contradictione vel impedimento ut prius libere percipiant Et cum iam dictam ecclesiam sancti Andree extunc vacare contigerit predicti abbas et conventus absque omni contradictione nostra vel successorum nostrorum libere presentent ad eandem secundam formam superius annotatam Dat anno domini MCCLIIII