Charter Document - 02989509
| Charter Number: | 02989509 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1137 - 1140 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus presens scriptum visuris vel audituris frater Nicholas Dei gratia humilis abbas sancti Ebrulfi et eiusdem loci conventus salutem in Domino sempiternam Noveritis nos unanimi assensu et concordia [et] voluntate totius capituli nostri dedisse concessisse et hac presenti carta nostra confirmasse Deo et ecclesie sancte Werburge de Cestria ac monachis ibidem Deo seruientibus eorumque successoribus in perpetuum villam de Kyrkeby in Wyrhale cum ecclesia in eadem sita et eius advocatione omnibusque iuribus et pertinentiis suis que Ricardus de Rulento quondam dedit sancto Ebrulfo et que Ricardus monachus noster postea ecclesie sancte Werburge de Cestria [] ex consensu et consilio Ricardi abbatis et totius capituli concessit sicut carta confirmationis Hugonis comitis Cestrie super concessione predicti Ricardi monachi nostri facta plenius testatur habend et tenend de sancto Ebrulfo et nobis dicti abbatis et monachis in dicta ecclesia sancte Werburge Deo militantibus eorumque successoribus vel assignatis cum omni iure et rectitudine que sanctus Ebrulfus et nos in prefato possessione de Kyrkeby habuimus cum omnibus libertatibus pertinentiis suis et cum incrementis escaetis et approvamentis que ecclesie sancte Ebrulfi et nobis aliquo casu contingente de dictis villa et ecclesia cum pert evenire vel accrescere possent reddendo inde annuatim nobis et successoribus nostris triginta solidos sterlingorum ad festum sancti Johannis Baptiste in manerio nostro de Petling sumptibus suis et periculo ipsorum abbatis et conventus ibidem deferendos pro omni servitio et exactione quacunque In cuius rei testimonium presenti scripto sigilla nostra apposuimus Teste Deo et omnibus sanctis eius totoque capitulo nostro
Source (click image below to view full size)
