Charter Document - 02969522
| Charter Number: | 02969522 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
|
Charter:
Innocencius episcopus seruus seruorum dei dilecto filio Priori de Rading Saresbur dioecesis salutem et apostolicam benediccionem Dilectorum filiorum abbatis et conuentus monasterii de Oseneya Lincolniensis dioecesis precibus inclinati presencium tibi auctoritate mandamus quatenus ea que de bonis ipsius monasterii alienata inueneris illicite uel distracta ad ius et proprietatem eiusdem monasterii studeas legitime reuocare contradictores per censuram ecclesiasticam appellacione postposita compescendo Testes autem qui fuerint nominati si se gracia odio uel timore subtraxerint per censuram eandem appellacione cessante compellas veritati testimonium perhibere Dat Mediolan v Kal Septembris pontificatus nostri anno nono
Source (click image below to view full size)
