Charter Document - 02968522
| Charter Number: | 02968522 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1230 |
| Date type: | Assigned |
| Resource Link(s): |
|
Charter:
Dicunt abbas et conuentus de Oseneya nomine monasterii sui de Oseneya contra abbatem et conuentum de Lira quod cum decime prouenientes de dominico quondam Roberti le Sor in Alwrint[one] de iure communi pertineant ad ecclesiam suam de Beiburia que est nobile membrum monasterii de Oseneya ipsi abbas et conuentus de Lira fingentes se ueros dominos et proprietates dictarum decimarum concesserunt et tradiderunt dictis abbati et conuentui Oseneye dictas decimas proprias ipsius abbatis et conuentus de Oseneya ad perpetuam firmam duarum marcarum argenti et dimidie annuatim sibi soluendarum per talem fictionem suam bona monasterii de Oseneya alienantes et distrahentes maxime cum ueram estimationem dictarum decimarum ipsa firma excedat Unde petunt dicti abbas et conuentus de Oseneya reciso tali ficto contractu ipsius firme per uos domine iudex dictas decimas ad ius et proprietatem monasterii de Oseneya reuocari protestantes quod si dicti abbas et conuentus de Lira possint docere de iure speciali dictas decimas ad ipsos pertinere liti cedendo parati sunt sub debita estimatione dictas decimas ad perpetuam firmam retinere Hec dicunt saluo sibi iuris beneficio
Source (click image below to view full size)
