Charter Document - 02870140
| Charter Number: | 02870140 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1309 |
| Date type: | Internal, Calendar, Regnal |
| Resource Link(s): |
Reference Document for this Embedded Document |
Charter:
Edwardus Dei gracia rex Anglie Dominus Hibernie et Dux Aquitanie venerabili in Christo patri Willelmo eadem gracia Eboracensis archiepiscopo Anglie primati salutem Cum dederimus et concesserimus dilecto clerico nostro Ricardo de Donecastr hospitale Beate Marie Magdalene de Rypon vacans et ad nostram donacionem spectans racione archiepiscopatus Eboracensis nuper vacantis et in manu domini Edwardi quondam regis Anglie patris nostri existentis habendum cum omnibus ad hospitale illud spectantibus ita quod elemosinas in eodem hospitali constitutas et alia onera eidem incumbencia prout decet faciat et sustentet prout in literas nostris patentibus eidem Ricardo inde confectis plenius continetur vobis mandamus sicut alias mandavimus quod eundem Ricardum in corporalem possessionem ejusdem hospitalis cum pertinenciis induci faciatis vel causam nobis significetis quare mandatum nostrum alias vobis inde directum non estis executi Teste me ipso apud Langeleye xxij die Januarii anno regni nostri secundo
Source (click image below to view full size)
